मणिपुरबाट सम्बोधन गर्दै भारतीय प्रधानमन्त्रीले नेपालप्रति हार्दिक शुभकामना व्यक्त गर्नुभएको छ। उहाँले नेपाल भारतको घनिष्ठ मित्र भएको उल्लेख गर्दै साझा इतिहास र आस्थाले दुई देशलाई जोडेको स्मरण गर्नुभयो।
नेपालको अन्तरिम सरकारको प्रधानमन्त्रीका रूपमा श्रीमती सुशीला कार्कीले पदभार सम्हाल्नुभएकोमा प्रधानमन्त्रीले १४० करोड भारतीय नागरिकहरूको तर्फबाट बधाई दिनुभएको छ। उहाँले सुशीलाजी नेपालको पहिलो महिला प्रधानमन्त्रीको रूपमा महिला सशक्तिकरणको उत्कृष्ट उदाहरण प्रस्तुत गर्नुभएको बताउँदै, उहाँको नेतृत्वमा नेपाल शान्ति, स्थिरता र समृद्धिको मार्गतर्फ अग्रसर हुने विश्वास व्यक्त गर्नुभयो।
प्रधानमन्त्रीले नेपालको जनतालाई लोकतान्त्रिक मूल्य–मान्यतालाई अस्थिर परिस्थितिमा पनि सर्वोच्चमा राखेको भन्दै प्रशंसा गर्नुभयो। साथै, हालै नेपालका युवायुवतीहरूले सडक सरसफाइ र सौन्दर्यीकरणमा देखाएको सक्रियता नेपालको उज्ज्वल भविष्यको संकेत भएको उल्लेख गर्दै उहाँले नेपाली जनताप्रति गहिरो सम्मान प्रकट गर्नुभयो
