लुई कार्नारो भन्नुहुन्छ, जब शरीर अस्वस्थ हुन्छ, उसलाई आराम चाहिन्छ, भोजन या औषधि होइन । खाएको खानेकुराको वास्तविक पाचन विश्रामको बेलामा हुन्छ । त्यही कारण हो— रातिको खानापछि सुत्नुपर्ने आवश्यकता परेको ।
त्यस्तै, बिहानको खानापछाडि पनि शरीरले केही बेरको आराम खोजेको हुन्छ । जब शरीरले आराम गर्दछ, शरीरको आन्तरिक ऊर्जामा बचत भई पचाउने काममा केन्द्रित हुन पाउँछ, तर खाने बित्तिकै हिँड्ने, दौडने, काममा लागिहाल्ने गर्नाले आरामको अभावमा पाचन कार्य पनि सुव्यवस्थित हुन पाउँदैन ।
त्यसैले, सकेसम्म बिहानको खाना पछाडि ५–१० मिनेट बज्रासनमा बस्ने या दायाँतिर कोल्टो परे पल्टिने र त्यसपछि मात्र कामकाजमा लाग्ने सल्लाह आयुर्वेदमा उल्लेख छ ।
साभारः ‘खाने कसरी पिउने कसरी’ पुस्तकबाट
