पोखरा, २९ कात्तिक । नेपाल कम्युनिष्ट पार्टी (विप्लव) समुहका प्रवत्ता खड्गबहादुर विश्वकर्मा (प्रकाण्ड) ले वर्तमान राज्य संरचनाले देश र जनताको हित गर्न नसक्ने बताउनुभएको छ ।
नेपाल कम्युनिष्ट पार्टी कास्कीद्धारा मंगलबार पोखरामा आयोजित पत्रकार सम्मेलनमा उहाँले भन्नुभयो– यो संसदीय व्यवस्थाले देश र जनताको हित गर्न नसक्ने भएकाले हामी मंसिर ४ गतेको निर्वाचन खारेज हुनुपर्छ भनेर लागेका हौं ।
वर्तमान राज्य व्यवस्थाका नेताहरु देश र जनताको हितमा नभई पाँच वर्ष लुटेर खानकै लागी निर्वावनमा होमिएको आरोप उहाँको छ । मंसिर ४ गतेको निर्वाचनलाई शान्तिपूर्ण रुपमा वहिस्कार र आम नागरिकलाई भोट राख्न नजानका लागि आग्रह गछौं उहाँले भन्नुभयो भोट हाल्न जान चाहने मतदातालाई भने हामी रोक्दैनौ । हाम्रो पार्टीले यस अघि कपिलवस्तु सम्मेलनमा मंसिर ४ को निर्वाचन खारेजी हुनुपर्ने निर्णय गरेको र त्यही नीति अनुसार हामी अगाडि वढेका छौ, हामी यो निर्वाचनमा भाग लिदैनौ, वर्तमान राज्य सत्तामा रहेका दलका नेताहरु विदेशी दलाल भएको आरोप समेत उहाँले लगाउनुभयो ।
मतदाताका घरघरमा पुगेर आम्रा राजनीतिक एजेण्डाका बारेमा जनतालाई बुझाउछौ, यदि उनीहरुले आम्रा एजेण्डालाई स्वीकार गरेर मतदान गर्न नजान पनि सक्छन् जानपनि सक्छन् हामीबाट कुनै रोकावट हुँदैन, उहाँले भन्नुभयो– ओली सरकारले तीन बुँदे सहमती गरेर हामी वार्तामा आयौ तर उहाँले ति सर्त पुरा गर्नुभएन । वर्तमान सरकारसँग पनि तीन बुँदे सहमतिका बारेमा छलफलहरु अगाडि वढिरहेको जानकारी नेता विश्वकर्माले दिनुभयो । वर्तमान राज्य सत्ताले श्रमिक जनताको हितमा कुनै काम गरेन, मंहगी वढेको छ, जनताको ढाँड सेक्ने काम भएको छ, अमेरिकी साम्रराज्यको समेत उहाँले बिरोध गर्नुभयो ।
