काठमाडौं– अमेरिकी नागरिकले सगरमाथा आरोहणको ६० वर्ष पुगेको उपलक्ष्यमा नेपाल र अमेरिकाको संयुक्त आरोहण टोलीले दोस्रो पटक अमेरिकाको अलास्कामा रहेको माउण्ट डेनाली आरोहण गर्ने भएको छ ।
यसअघि पनि नेपाल–अमेरिकाको संयुक्त टोलीले यो हिमालको सफल आरोहण गरिसकेको छ ।
अमेरिकी नागरिक जेम्स् वीट्टेकरले मे १, १९६३ मा सगरमाथाको आरोहण गरेका थिए ।
माउण्ट डेनाली अमेरिकाको सबैभन्दा अग्लो हिमाल हो । अमेरिकी दूतावासमाका पब्लिक अफियर्स प्रमुख जैतराट ई विल्करसनले काठमाडौंमा आयोजित एक कार्यक्रममा बीच यूएस नेपाल फ्रेण्डशिप टिमको झण्डा आरोहण टोलीलाई हस्तान्तरण गरेका छन् ।
यस वर्ष सुरु हुने अभियान नेपालको तर्फबाट पासाङ फुर्वा शेपाले नेतृत्व गर्ने छन् भने अमेरिकाको तर्फबाट मार्क परेलाले गर्ने छन् । नेपाली टोलीमा टोलीमा विश्व तथा राष्ट्रिय रेकर्ड बनाएका पर्वतारोही समावेश छन्।
टोलीका अन्य सदस्यमा लाक्पा डेण्डी शेर्पा, थानेश्वर गुरागाई, मिङ्मा तेन्जी शेपा, छिरिङ पेम्बा शेर्मा, पेम्बा नुर्बु शेर्पा, पासाङ गेली शेर्पा र गेल्जी शेर्पा छन् ।
