काठमाडौँ— सावित्री कंचनजंगा अगरबत्तीको नयाँ अफर ‘स्क्यान दनादन उपहार टनाटन’ अफर सार्वजनिक गरेको छ ।
सावित्री अगरबत्तीको ब्राण्डहरुमा रहेको क्यूआर कोडलाई खल्ती एपबाट स्क्यान गरि यो अफरमा सहभागी हुन सकिनेछ ।
सहभागीहरुमध्ये १० जनाले हरेका दिन रु १०० प्राप्त गर्न सक्नेछन् भने अफर अवधिभर २० जनाले स्मार्ट वाच वा एयरपड प्राप्त गर्न सक्नेछन् ।
यस्तै, पाँच जनाले ३२ इन्चको टेलिभिजन, स्मार्टफोन वा लुम्बिनी र पोखराको भ्रमण प्याकेज जित्न सक्नेछन् ।
यस अफरमा सहभागी हुन सावित्री ब्राण्डको अगरबत्तीमा भएको दामी क्यूआरलाई खल्ती एपबाट स्क्यान गर्नुपर्नेछ ।
यस अफरमा होलसेलर, रिटेलर र उपभोक्ता सबै सहभागी हुन सक्ने कम्पनीले जनाएको छ ।
