नेपालका पर्यटकीय स्थलहरूको प्राकृतिक सुन्दरता र सांस्कृतिक सम्पदा पर्यटकहरूलाई अत्यन्त मन पर्ने भए पनि यहाँको कमजोर सडक र पूर्वाधारले पर्यटकहरूलाई असुविधा पुर्याइरहेको गुनासो बढ्दै गएको छ।
हालै, बिदेशी पर्यटकहरूले सामाजिक सञ्जालमार्फत “सडक राम्रो बनाए हाम्रो संख्या बढ्छ” भन्ने प्लेकार्ड देखाएर नेपाल सरकारसँग सडक र पूर्वाधार सुधार गर्न आग्रह गरेका छन्।
ब्लेज माउन्टेन ट्राभलका निर्देशक उपेन्द्र अधिकारीको धारणा: पूर्वाधार विकास जरुरी
ब्लेज माउन्टेन ट्राभलका निर्देशक उपेन्द्र अधिकारीले सरकारको स्पष्ट नियम, राम्रो सडक, र ट्रेकिङ मार्गहरूको विकासमार्फत नेपालमा थप पर्यटक आकर्षित गर्न सकिने बताउनुभएको छ।
उहाँले भन्नुभयो, “यदि सरकारले पूर्वाधार र नियममा ध्यान दिएमा, हामी यूरोपियन, अमेरिकी र रुसी पर्यटकहरूलाई अझ सहज रूपमा स्वागत गर्न सक्छौं।” ब्लेज माउन्टेन ट्राभलले यिनै क्षेत्रका पर्यटकहरूलाई सेवा दिँदै नेपाल पर्यटनलाई टेवा पुर्याइरहेको छ।
रुईयाङ ट्रेक्सका सञ्चालक हरि धमलाको भनाइ
चिनियाँ पर्यटकहरूमाझ लोकप्रिय रहेको रुईयाङ ट्रेक्सका सञ्चालक हरि धमलाले भने, “नेपाल सरकारले सडक र अन्य पूर्वाधार सुधार गरे हामी अझ धेरै पर्यटक नेपाल ल्याउन सक्छौं। हाम्रो देशमा नेपालप्रति ठूलो आकर्षण छ, तर यात्रा सजिलो बनाउन राम्रो पूर्वाधार अपरिहार्य छ।”
बिदेशी पाहुनाहरूको यो आग्रह नेपाल सरकारले गम्भीरतापूर्वक लिँदै तत्काल सुधारको काम सुरु गरेमा पर्यटकको संख्या उल्लेखनीय रूपमा बढ्ने अपेक्षा छ।
ग्रेस्फुल एड्भन्चेर का सञ्चालक पदम लाल तिम्सिनाद्वारा सरकारलाई राजमार्ग सुधार गर्न आग्रह
ग्रेस्फुल एड्भन्चेर का सञ्चालक पद्मलाल तिम्सिनाले सरकारले देशका राजमार्गहरूको सुधार गर्नुपर्नेमा जोड दिनुभएको छ। उहाँले सुरक्षित र व्यवस्थित सडकले गन्तव्यमा छिटो र सुरक्षित रूपमा पुग्न सहयोग गर्ने बताउनुभयो।
उहाँले भन्नुभयो, “यदि राजमार्ग सुरक्षित र राम्रो अवस्थामा छन् भने, पर्यटकहरूले हाम्रो सेवाप्रति विश्वास गर्नेछन् र हामीले उनीहरूलाई थप आरामदायक यात्रा सेवा दिन सक्छौं।”
सन् २०१५ देखि सञ्चालनमा रहेकोग्रेस्फुल एड्भन्चेरले विश्वासिला यातायात सेवाहरू प्रदान गर्दै आएको छ र पर्यटकहरूको सन्तुष्टिलाई थप सुधार गर्न प्रतिबद्ध छ।
