स्वामी विवेकानन्दका केही अमर वाणीहरुः
१. परोपकार नै धर्म हो र परपीडन नै पाप । शक्ति र पौरुष पुण्य हो, कमजोरी र कायरता पाप । स्वतन्त्रता पुण्य हो, पाप पराधीनता । कसैसँग प्रेम गर्नु पुण्य हो र घृण गर्नु पाप । परमात्मा र आफैमा विश्वास पुण्य हो र सन्देह नै पाप हो ।
२. निस्वार्थता नै धर्मको कसी हो । जो जति बढी निस्वार्थ छ ऊ त्यति ै बढी आध्यात्मिक र शिवको समीप छ ।
३. प्रथमतः हामी स्वयम् देवता बनौँ र अरुलाई देवता बन्न मद्दत गरौँ । बनौँ र बनाऊँ, यही नै हाम्रो मन्त्र हुनुपर्दछ ।
४. विचार वा भाव नै मनुष्यलाई उत्तेजित गर्दछन् । आदर्शले नै मानिसहरुलाई मृत्युको पनि सामना गर्न तयार पार्दछन् ।
५. त्यो चरित्र नै हो जसले विपत्तिका अभेद्य पर्खालबाट पनि बाटो बनाएरै छोड्छ । आनन्दको पूर्ति सौन्दर्यमा दृष्टिगोचर हुन्छ । आनन्द बाह्य अवस्थामा नभई आन्तरिक अवस्थामा निर्भर छ ।
६. सधैँ सर्वाेच्चलाई खोज, किनकि सर्वाेच्चमा नै शाश्वत आनन्द छ । सभ्यता चरित्रकी त्यो रुप हो जसले मनुष्यलाई कर्तव्यको मार्ग देखाउँछ ।
साभारः ‘महापुरुषहरुका अमर वाणी’ पुस्तकबाट
