काठमाडौं । गृहमन्त्रालयले एमाले सांसद लक्ष्मी कोइरीलाइ पक्राउ गर्न लिखित निर्देशन दिएको जानकारी गराएको छ ।
शुक्रबार विज्ञप्ती जारी गर्दै मन्त्रालयले सांसद कोइरीलाई पक्राउ गर्न निर्देशन दिएको जानकारी गराएको हो । मन्त्रालयको विज्ञप्तीमा गृहमन्त्री रवि लामिछानेले पटकपटक मौखिक रुपमा प्रहरीलाई निर्देशन दिएको समेत बताइएको छ । तर पक्राउ नपर्नु दुखद रहेको समेत विज्ञप्तीमा भनिएको छ ।
यता सरकारलाई विश्वासको मत दिने बैठकमा सांसद कोइरी उपस्थित भएकाबारे समेत आफुलाई थाहा नै नभएको लामिछानेले बताएका थिए । राप्रपाले गरेको चियापान समारोहमा मन्त्री लामिछानेले पत्रकारहरुलाई प्रतिक्रिया दिदै सांसद कोइरीलाई पक्राउ गर्न आफुले निर्देशन दिइसकेको बताएका थिए ।
तर उनले निर्देशन दिएको १५ दिनसम्म पनि प्रहरीले पक्राउ गर्न नसकेका बारे बिहिबार संसद भवनमा पत्रकाहरुले प्रश्न गरेका थिए । जहाँ उनले विधि प्रक्रियाभन्दा बाहिर गृह मन्त्रालय नजाने भन्दै सांसदलाई पक्राउ गर्न कुनै कसर बाँकी नराख्ने दाबी गरेका थिए ।
तर मन्त्री लामिछानले निर्देशन दिएको भएपनि सांसद कोइरी पक्राउ नपरेपछि शुक्रबार भने लिखित निर्देशन दिएको बताइएको छ । जुन निर्देशन समेत कार्यान्वयन हुनेमा आशंका उत्पन्न भएको छ ।
यसअघि गृहमन्त्री नियुक्त भएपछि लामिछानेले कञ्नपुरकी बालिका निर्मला पन्तको हत्यामा संलग्नलाई पत्ता लगाउने निर्णय गरेका थिए ।
