काठमाडौैं । प्रधानमन्त्री पुष्पकमल दाहाल ‘प्रचण्ड’ ले राष्ट्रपतिमा राष्ट्रिय सहमतिको खोजी गरिने बताउनुभएसँगै को बन्लान अबको राष्ट्रपति रु भन्नेमा चौतर्फी चासो बढेको छ । बिहिबार प्रचण्डले सत्ता साझेदार दल र आफ्नोतर्फबाट राष्ट्रपतिमा सहमतिको प्रयास भइरहेको बताएसँगै नयाँ कोणबाट बहस सुरु भएको हो ।
कांग्रेस उम्मेदवारलाई राष्ट्रपतिमा सघाउने वा गैह्र राजनीतिक व्यक्तिलाई उभ्याउने योजना हो प्रष्ट भएको छैन । यता, नेकपा ९एमाले०का अध्यक्ष केपी शर्मा ओलीले आफ्नो पार्टीका तर्फबाट अगाडि सारिने राष्ट्रपतिको उम्मेदवारमा नै राष्ट्रिय सहमति कायम हुने विश्वास व्यक्त गरेर प्रधानमन्त्री प्रचण्डको अभिव्यक्तिको जवाफ दिएका छन् । राष्ट्रपतिको उम्मेदवार तय गर्ने सहमति सत्ता साझेदार दलभित्र भएको दाबी एमाले नेताहरुले बारम्बार गर्दै आएका छन् ।
एमालेबाट राष्ट्रपति उम्मेदवारका रुपमा चर्चामा आउनुभएका सुवासचन्द्र नेम्वाङले गैर राजनीतिक व्यक्तिलाई राष्ट्रपति बनाउनु भनेको राजनीतिक दलहरुले आफैँमाथि विश्वास नगर्नु रहेको प्रतिक्रिया दिनुले समेत भित्रभित्रै चलिरहेको नयाँ राजनीतिक खेललाई चित्रण गरेको छ । नेपाली कांग्रेसका नेताहरुले सभामुख एमाले अध्यक्ष ओलीको ढोक्सामा परेपनि राष्ट्रपति पार्न नदिनेगरि भुमिका खेल्ने दाबी गर्नुले समेत सत्ता सहकार्यमा कतै नयाँ राजनीतिक समिकरण बन्ने त होइन रु विभिन्न कोणबाट बहस भैरहेको छ ।
लो प्रोफाईलका एमाले नेताले मारे सभामुखमा बाजी
प्रतिनिधिसभाको सभामुखमा एमाले सांसद देवराज घिमिरे निर्वाचित हुनुभएको छ । बिहीबार बसेको प्रतिनिधिसभा बैठकमा मत विभाजनमार्फत १६७ मत ल्याएर घिमिरे सभामुख निर्वाचित हुनुभएको हो । सत्ता गठबन्धनका तर्फबाट सभामुख पदमा उम्मेदवार बनेका घिमिरेलाई निर्वाचित गरियोस् भन्ने प्रस्तावको पक्षमा १६७ मत पर्दा मत दिन्न भन्ने पक्षमा १ मत परेको थियो । बिहिबारको मतदानमा २६८ जना सांसद सहभागी भएका थिए । घिमिरेलाई एमाले, माओवादी केन्द्र रास्वपा, राप्रपा, जसपा,नागरिक उन्मुक्ति र केही स्वतन्त्र सांसदले मतदान गरे । नवनिर्वाचित सभामुख घिमिरेले सभाको प्रतिनिधित्व आफूले ठिक ढंगबाट गर्ने पक्षधरता नलिने प्रतिबद्धता गरेका छन् । यता उपसभामुखमा रास्वपा नेतृ शोभिता गौतमको नाम चर्चामा छ ।
