सप्तरी – सप्तरीको शम्भुनाथ नगरपालिकामा कार्यरत इन्जिनियर रामचन्द्र साह १ लाख ४० हजार रुपैयाँ घुस रकमसहित पक्राउ परेका छन् ।
अख्तियार दुरुपयोग अनुसन्धान आयोगको कार्यालय इटहरीबाट खटिएको टोलीले उनलाई मंगलबार कार्यकक्षबाटै रंगेहात पक्राउ गरेको हो।
निर्माण कार्यको भुक्तानीबापत् सेवाग्राहीसँग घुस मागेको सूचनाका आधारमा इन्जिनियर साहलाई पक्राउ परेको आयोगका प्रवक्ता श्यामप्रसाद भण्डारीले जानकारी दिए ।
इन्जिनियर साहलाई नियन्त्रणमा लिएर अनुसन्धान भइरहेको छ ।
