गुवाहाटी— इन्डो—बंगला मैत्री पाइपलाइनको रूपमा चिनिने १३० किलोमिटर लामो अन्तर्राष्ट्रिय तेल पाइपलाइन फेब्रअरीमा सञ्चालनमा आउने छ । यो पाइपलाइन भारतको पश्चिम बंगालको सिलगुडीमा रहेको नुमालीगढ रिफाइनरी लिमिटेड मार्केटिङ टर्मिनलबाट वंगलादेश पेट्रोलियम कर्पोरेशनको पार्वतीपुर डिपो सम्म जोडिएको छ ।
भारतीय प्रधानमन्त्री नरेन्द्र मोदीले २०१७ मा बंगलादेशकी प्रधानमन्त्री हसिनासँगको भेटवार्तामा वार्षिक १० लाख मेट्रिक टन क्षमताको यो पाइपलाइनलाई वित्त सहयोग गर्ने गर्न सहमति जनाए पछि महत्वाकांक्षी परियोजनाको बीजारोपण भएको थियो ।
सेप्टेम्बर २०१८ मा औपचारिक उद्घाटन भएको यो पाइपलाइन गतवर्षको डेसेम्बर १२मा सम्पन्न भएको थियो । उक्त पाइपलाइनको कुल लगानी ३७७.०८ करोड भारतीय रुपैयाँ रहेको थियो । जसमा भारतको भागमा ९१.८४ करोड भारतीय रुपैयाँ रहेको थियो । त्यस्तै, बंगलादेशको भागमा रहेको २८५.२४ करोड भारतीय रुपैयाँ भारत सरकारले बंगलादेशलाई अनुदान ऋण दिएर यो पाइपलाइन निर्माण भएको हो ।
साझा सम्पदा र साझा इतिहास बाहेक, बंगलादेशसँग भारतको भौगोलिक निकटताले यसलाई यसको सबैभन्दा ठूलो व्यापारिक साझेदार बनाएको छ। दुई दक्षिण एसियाली देशहरू बीचको सम्बन्ध फस्टाउँदै जाँदा असम, त्रिपुरा, मिजोरम र मेघालय लगायत भारतको उत्तर पूर्वी क्षेत्रहरूको व्यापार र वाणिज्य फस्टाउदै गएको हो।
