काठमाडौँ । बलिउड अभिनेता सिद्धान्त चतुर्वेदी र मास्टर ब्लास्टर सचिन तेन्दुलकरकी छोरी सारा तेन्दुलकरको सम्बन्धलाई लिएर विगत दुई हप्तादेखि धेरै बहस चलिरहेको बेला उनीहरुको ब्रेकअपको खबर आएको छ ।
टाइम्स अफ इन्डियाको रिपोर्ट अनुसार, सारा र सिद्धान्तको ब्रेकअप भएको छ । दुई जना बीचको सम्बन्ध छोटो समयमा नै टुंगिएको रिपोर्टमा उल्लेख छ ।
हालै दुवैले एक अर्काको परिवारसँग भेट गरेपछि दुवैले आफ्नो सम्बन्धलाई अन्त्य गरेको मिडिया रिपोर्टमा उल्लेख छ ।
यसअघि सारा तेन्दुलकरको नाम प्रायः क्रिकेटर शुभमन गिलसँग जोडिएको थियो, तर हालै शुभमन आफैंले यी हल्लाहरूको अन्त्य गर्दै अहिले आफ्नो करियरमा पूर्ण रूपमा केन्द्रित रहेको र कसैसँग डेट नगरेको स्पष्ट गरेका थिए ।
यसैबीच, सिद्धान्तको नाम पहिले अमिताभ बच्चनकी नातिनी नव्या नवेली नन्दसँग पनि जोडिएको थियो । दुवै जना गत वर्ष अलग्गिएका थिए ।
केही समय अघि, एक अन्तर्वार्तामा, सिद्धान्तले सम्बन्धको बारेमा आफ्नो विचार साझा गरेका थिए। उनले भने, ‘सम्बन्धहरू मेरो लागि कहिल्यै पनि दिने र लिने कुरा भएनन् । जब म कुनै सम्बन्धमा हुन्छु, म आफैंलाई पूर्ण रूपमा त्यसमा समर्पित गर्छु । कहिलेकाहीँ यति धेरै कि म आफैं पनि सबैको लागि चुनौती बन्छु ।’
