काठमाडौं । रुसले युक्रेनको पूर्वी शहर सोलेदारलाई आफ्नो नियन्त्रणमा लिएको दाबी गरेको छ ।
रुसी रक्षा मन्त्रालयले रणनीतिक महत्वको सोलेदार शहर कब्जा गर्न सफल रहेको दाबी गरेको भएपनि युक्रेनका राष्ट्रपति भोलोदिमिर जेलेन्स्कीले भने रुसी सेनासँग निरन्तर लडिरहेको दाबी गरेको अमेरिकी सञ्चार संस्था सिएनएनले जनाएको छ ।
राष्ट्रसङ्घीय सुरक्षा परिषद्ले युक्रेन युद्धबारे छलफल गर्न बैठकको तयारी गरिरहेको बेला शहर कब्जा भएको सार्वजनिक भएपछि यसले दुई देशका बिचमा अझ तनाव बढ्नसक्ने देखिएको समाचारमा जनाइएको छ ।
