भारत–पाकिस्तानबीच युद्ध हुने सम्भावना धेरै छ।
अपरेशन सिन्दूरबाट आक्रोशित पाकिस्तानले भारतका धेरै स्थानमा हवाई आक्रमण गर्ने प्रयास गर्यो तर एस–४०० वायु रक्षा प्रणालीले त्यसलाई विफल पार्यो।
धेरै ठाउँमा ब्ल्याकआउट गरियो र सतर्क रहन सल्लाह पनि दिइयो।
यो अवस्थाले देशका सैनिकहरूको मात्र नभई बलिउड सेलिब्रेटीहरूको पनि निद्रा बिथोल्यो।
विक्रान्त मेस्सी, कंगना रनौत, अनुपम खेरदेखि ऋचा चड्ढा, अनिल कपूरसम्म सबैले मानिसहरूलाई शान्ति कायम राख्न आग्रह गरे।
त्यसैगरी श्रद्धा कपूर र तनिषा मुखर्जीलगायत धेरै कलाकारहरूले देशका सैनिकहरूलाई सलाम गर्दै एकताको सन्देश पनि दिएका थिए।
अभिनेत्री तथा राजनीतिज्ञ कंगना रनौतले एयर डिफेन्स एस–४०० को बारेमा एउटा पोस्ट सेयर गरिन्।
उनले लखेकी थिइन्, ‘प्रधानमन्त्री मोदीले २०१८ मा रुससँग एस–४०० सम्झौता गरेका थिए।’
यसबाहेक, कंगनाले जम्मूलाई यो कठिन समयमा बलियो रहन अनुरोध गरेकी छिन्।
अर्को पोस्ट सेयर गर्दै उनले लेखिन्, ‘जम्मू निशानामा छ। बलियो रहनुहोस् जम्मू। भारतीय वायुसेनाले पाकिस्तानको ड्रोनलाई विफल बनाएको छ।’
कश्मीरसँग जोडिएका अभिनेता अनुपम खेरले आक्रमण स्थलको भिडियो सेयर गर्दै भने, ‘मेरो काका सुनील खेरले यो भिडियो जम्मूबाट मलाई पठाउनुभयो। मैले तुरुन्तै फोन गरें र सोधें कि उहाँ र उहाँको परिवार ठीक छन्रु अलिकति गर्वका साथ मुस्कुराउँदै उहाँले भन्नुभयो जय माता दी१ भारत माता अमर रहोस्१ हामी भारतमा छौं। र हामी हिन्दुस्तानी हौं।’
अभिनेत्री श्रद्धा कपूरले सैनिकहरूलाई सलाम गर्दै लेखेकी छन्, ‘हाम्रा रक्षकहरूप्रति गर्व छ, जय हिन्द।’
भारत र पाकिस्तानबीच बढ्दो द्वन्द्वप्रति प्रतिक्रिया जनाउँदै तनिषा मुखर्जीले लेखिन्, ‘यो युद्ध बन्द गर, हाम्रो सुन्दर देश र यसका जनतालाई नष्ट गर्न बन्द गर।’
अभिनेता अनिल कपूरले आफ्नो इन्स्टाग्राम ह्यान्डलमा लेखेका छन्, हामीलाई जोगाउने बहादुर महिला र पुरुषहरूप्रति मेरो कृतज्ञता र प्रार्थना। तपाईंहरू हाम्रो साँचो नायक हुनुहुन्छ।
