काठमाडौं । सरकारले राष्ट्रिय ध्वजावाहक संस्था नेपाल वायु सेवा निगम (नेपाल एयरलाइन्स)को पुनर्संरचना गर्ने निर्णय नीति तथा कार्यक्रममार्फत सार्वजनिक गरेको छ। शुक्रबार संघीय संसद्को संयुक्त बैठकमा आगामी आर्थिक वर्ष २०८२र८३ का लागि नीति तथा कार्यक्रम प्रस्तुत गर्दै राष्ट्रपति रामचन्द्र पौडेलले उक्त जानकारी दिएका हुन्।
उनका अनुसार निगमलाई आधुनिक, दक्ष र प्रतिस्पर्धी बनाउँदै आर्थिक र व्यावसायिक आधारमा पुनर्गठन गरिनेछ। साथै, विमानस्थलको निर्माण तथा विस्तारसमेत अब आर्थिक, व्यावसायिक र वातावरणीय सम्भाव्यताको मूल्यांकनपछि मात्र अगाडि बढाइने उल्लेख गरिएको छ।
सरकारको यस घोषणाले लामो समयदेखि विवादित र घाटामा चलिरहेको वायु सेवा क्षेत्रको सुधार र उत्तरदायिता सुनिश्चित गर्ने संकेत दिएको छ।
यसैसँग, हवाई पूर्वाधारमा अनियोजित लगानी रोक्ने तथा गुणस्तरीय सेवा प्रदान गर्ने संरचना निर्माणमा सरकार केन्द्रित हुने स्पष्ट देखिएको छ।
