विकासोन्मुख मुलुकहरूले यथाशीघ्र संयुक्त राज्य अमेरिकासँग व्यापार सम्झौता गर्नुपर्ने विश्व बैङ्कका अध्यक्षले शुक्रबार बताउनुभएको छ ।
अजय बङ्गालाई एएफपीले यस वर्ष राष्ट्रपति डोनाल्ड ट्रम्पको कर कार्यान्वयन घोषणालाई अस्थायीरूपमा गर्ने निर्णयपछिको अनिश्चितताको बादलमा आयोजित विश्व बैङ्क र अन्तर्राष्ट्रिय मुद्रा कोषको वसन्त बैठकपूर्व लिएको अन्तर्वार्तामा उहाँको यो भनाइ आएको हो ।
“बैङ्कले विकासशील देशहरूलाई अमेरिकासँग छिटो सम्झौता गर्न र त्यसपछि व्यापार अवरोधहरू कम गर्न र वस्तुहरूको क्षेत्रीय प्रवाह बढाउन ध्यान केन्द्रित गर्न सल्लाह दिइरहेको छ,” बङ्गाले भन्नुभयो ।
उहाँले भन्नुभयो, “अमेरिकासँग जतिसक्दो चाँडो व्यापार प्रणालीका लागि वार्ता गर्न आवश्यक छ । यदि ढिलो गरियो भने यसले सबैलाई दुख दिन्छ।” ट्रम्पको करले वित्तीय बजारलाई तहसनहस बनाएको छ, अस्थिरता बढाएको छ र लगानीकर्ता र उपभोक्तालाई त्रसित बनाएको छ ।
जनवरीमा सत्तामा फर्केपछि अमेरिकी राष्ट्रपति ट्रम्पले अधिकांश देशहरूमा ‘न्यूनतम (आधारभूत)’ १० प्रतिशत कर लागू गर्नुभएको छ । अमेरिकाले चीनमा भने यो भन्दा निकै धेरै कर लगाएको छ । अमेरिकाले स्टिल, एल्युमिनियम र संयुक्त राज्य अमेरिकामा निर्माण नगरिएका सवारी साधन (कार) लगायतका क्षेत्रहरूमा २५ प्रतिशत क्षेत्र–विशेष कर लगाइएको छ।
राष्ट्रपति ट्रम्पले अमेरिकासँग अनुचित व्यापार सन्तुलन भएको आरोप लगाउँदै दर्जनौं देशहरूमा धेरै उच्च दरमा करहरू लागू गर्नुभएको थियो। त्यसमध्ये अधिकांश निर्णयलाई अस्थायी रूपमा रोकिएको छ ।
बङ्गाले भन्नुभयो, “बैङ्कको कार्यकारी बोर्डले जुनमा आफ्नो ऊर्जा रणनीतिमा छलफल गर्ने तयारी गरेको छ । सम्भवतः आणविक र ग्याँस दुवैका लागि वित्तपोषण एजेन्डामा हुनेछ।”
बङ्गाले भन्नुभयो, “केवल सम्पन्न अर्थव्यवस्थाहरूबाट रोजगारीको अवसर खोज्ने मात्र नभई बैङ्कले विकासशील देशहरूमा ठूलो निजी क्षेत्रको रोजगारी सिर्जनालाई प्रोत्साहित गर्न पनि जोड दिइरहेको छ । यसले विकासशील (उन्नत अर्थव्यवस्था) मा चुनौतीहरूको सामना गर्न र समस्या पहिल्याउन मानिसहरूले उनीहरूको बारेमा आफ्नो राय राखिरहेका छन् ।
