काठमाडौं : पानी नपरेर हिउँद खडेरीमा बितिजान्छ कि भन्ने बेलामा परेको पानीले राहत दिएको छ।
बिहीबार नेपाल भित्रिएको मनसुले पश्चिमदेखि पूर्व र हिमालदेखि तराईसम्म थोरै भए पनि राहत दिएको छ।
यस मनसुनले सुक्न थालेको बालीनालीलाई राहत दिएको छ। पानी नपर्दा आकाशे पानीको भरमा रहेका हिउँदे बाली सुक्न थालेका थिए।
सेतै हुनुपर्ने हिमाल पनि मनसुन नभित्रिँदा पुस–माघमा समेत कालै थिए।
बिहीबार आएको पश्चिमी वायुको प्रभाव नेपालमा परेसँगै हिमालहरू पनि हिउँ परेर सेतै भएका छन्।
हिमाली जिल्लाहरूमा राम्रै हिमपात भएको छ। काठमाडौँ उपत्यकासहित देशभर बिहीबार भित्रिएको मनसुनले पानी पारेको मौसमविद् शान्ति कँडेलले जानकारी दिइन्।
ठूलो वर्षा नबनाए पनि यस मनसुनले हल्कादेखि मध्यम वर्षा बनाएको छ। हिउँदमा वर्षा हुनका लागि बङ्गालको खाडीबाट उठिआएको मनसुन सक्रिय हुनुपर्छ।
यो मनुसन नेपाल प्रवेश गर्न नसक्दा गएको आइतबार केही ठाउँमा वर्षा भए पनि देशभर हुन सकेको थिए। गएको आइतबार स्थानीय र पश्चिमी वायुको केही प्रभावले कोशी, बागमती र गण्डकीका केही भू–भागमा हल्कादेखि मध्यम वर्षा मात्र बनाएको थियो।
बिहीबार भित्रिएको पश्चिमी वायुले भने कोशीका केही र सुदूरपश्चिमका केही भू–भागमा भारी वर्षासमेत गराएको मौसमविद् कँडेलले जानकारी दिइन्।
शून्यदेखि १० मिलिमिटर वर्षालाई हल्का र १० देखि ५० मिलिमिटरलाई मध्यम वर्षा भनिन्छ। ५० देखि १०० मिलिमिटर पानी पर्नुलाई भारी वर्षा भनिन्छ।
बिहीबारदेखि पश्चिमबाट भिजाउँदै आएको मनसुन काठमाडौँ उपत्यकासहित आसपासमा वर्षा बनायो। काठमाडौँमा हल्कादेखि मध्यम वर्षा भएको कँडेलले जानकारी दिइन्।
तर अब मनसुन पूर्व सरेकाले काठमाडौँमा उपत्यकामा छिटफुटबाहेक वर्षा हुने सम्भावना छैन।
मनसुन पूर्व सरिरहेकाले आजदेखि यो मनसुन नेपालदेखि बाहिरिसक्ने छ। कँडेलकाअनुसार आजदेखि देशभर मौसममा सुधार हुने र घाम लाग्नेछ।
हिउँदमा सरदर ६० मिलिमिटर पानी पर्ने गरेकोमा केही वर्षदेखि यो निरन्तर घटिरहेको छ।
