जनै खटिरालाई पीडादायक समस्याको रुपमा लिन सकिन्छ । किन कि यो खटिरा चिलाउनुको साथै दुखाउने खालको हुन्छ । भाइरसको संक्रमणबाट यो रोग लाग्छ । धेरै जसो अनुहार, टाउको, छाती, पेट, पिठ्युँमा यो समस्या देखिन्छ । यी बाहेक हात खुट्टामा पनि देखिन सक्छ । सामान्यतया ४०–५० नाघेकाहरुलाई यो रोग लाग्ने संभावना बढी हुन्छ ।
घाउ साह्रै दुख्ने हुँदा रोग पीडादायक हुन्छ । यो रोगमा लाभदायक भोजनको माध्यमबाट पनि उपचार गर्न सकिन्छ ।
आर्जेनिन एमिनो एसिड पाइने खानाहरु जस्तै वदाम, पेश्ता, काजु, ओखर, चकलेट, जौ, गहुँ भटमास, बियाँहरु खान बन्द गर्न सकिन्छ । यी खानाहरुले भाइरस वृद्धि गर्न मद्दत गर्ने हुँदा यसलाई नखानु वेश हुन्छ ।
– लाइसिन एमिनो एसिड पाइने खानाहरु जस्तै माछा, मासु, गेडागुडी (भटमास बाहेक) दूध, चिज, मुगी आदिलाई दैनिक भोजनमा समावेश गराउनुपर्छ ।
– दैनिक ६ केस्रा ठूलो लसुन काँचै वा १ मिनेट उमाले खानु लाभदायक हुन्छ ।
– रोग प्रतिरोधात्मक क्षमता बढाउने भोजनहरु लिनु उपयुक्त हुन्छ ।
– मल्टिभिटामिन÷मल्टिमिनरल्स सप्लिमेन्ट खानु यो समस्यामा लाभदायक मानिन्छ ।
– यो रोगमा ४००० एमजी भिटामिन सी दैनिक आवश्यक पर्छ । तसर्थ अमिला जातका फलफूल स्ट्रबेरी प्रशस्त खानुको साथै आवश्यकता अनुरुप भिटामिन सी का चक्की पनि प्रयोग गर्न सकिन्छ ।
– भिटामिनको ई को प्रयोगद्वारा पनि यो समस्याको उपचार भएको पाइन्छ ।
दैनिक कम्तिमा ४०० आई यु देखि बढीमा १६०० आई यु सम्म भिटामिनको सेवन गरी विज्ञहरुले यसको उपचार गरेका छन् ।
साभारः ‘एकसे एक उपचार’ पुस्तकबाट
