काठमाडौँ । नेपालले मलेसियाविरुद्धको महिला यू-१९ विश्वकपको प्लेअफ खेल ७ विकेटले जितेको छ । मलेसियाले दिएको ४६ रनको लक्ष्य पछाएको नेपालले ११ ओभरमा ३ विकेट गुमाउदै लक्ष्य पुरा गरेको थियो ।
नेपालका लागि पुजा महतोले २३ रन बनाएकी थिइन् । यस अघि टस हारेर पहिला ब्याटिंग गरेको मलेसियाले १६.५ ओभरमा ४५ रन बनाएर अल आउट भएको थियो ।
मलेसियाको ब्याटिंग लाइन ध्वस्त गर्नेक्रममा नेपाली कप्तान पुजा महतोले सर्बाधिक ४ विकेट लिएकी थिइन् । त्यस्तै यस खेलमा रचना चौधरीले ३ विकेट लिएकी थिइन् ।
पुजाले यस खेलमा ४ विकेट लिएसंगै यस विश्वकपमा ९ विकेट लिदै सर्बाधिक विकेट लिने बलरको सूचीमा शिर्ष स्थानमा रहेकी छन् ।
यो जितपछि नेपाल जारी विश्वकपमा १४औं स्थानमा रहदै आफ्नो विश्वकप यात्रा समाप्त गरेको छ । यस अघिको समुह चरणका खेलमा नेपाल तिनै खेलमा हार बेहोरेर समुह चरणबाट बाहिरिएको थियो ।
