काठमाडौँको टोखा नगरपालिका– ९ गाेंगबु शिवमन्दिर क्षेत्रबाट चितुवाको छालासहित २ जना पक्राउ परेका छन्।
पक्राउ पर्नेमा एकै स्थान रसुवाको उत्तरगया गाउँपालिका– ९ घर भई काठमाडौँको तारकेश्वर नगरपालिका– ९ बस्ने ३२ वर्षीय टेक बहादुर तामाङ र ४२ वर्षीय संजय तामाङ रहेका छन्।
शनिबार ग १४ प ८४०४ नम्बर माेटरसाइकलमा हिडिरहेको अवस्थामा उनीहरूलाई प्रहरी प्रभाग नयाँ बस पार्क र प्रहरी वृत्त महाराजगंजबाट खटिएको संयुक्त प्रहरी टोलीले पक्राउ गरेको हो।
चितुवालाई मार्नु गैरकानुनी कार्य हो।
