काठमाडौं : यू–१९महिला एसिया कपको उपाधि भारतले जितेको छ।
आज बिहान भएको फाइनलमा बंगलादेशलाई ४१ रनले पराजित गर्दै भारतले उपाधि जितेको हो।
मलेसियाको वायुमास ओभलमा टस हारेर पहिले ब्याटिङ गरेको भारतले निर्धारित २० ओभरमा ७ विकेट गुमाएर ११७ रन बनाएको थियो।
भारतका लागि ओपनर गंगोदी तृष्णाले अर्थशतकीय पाली खेलिन् उनले उनले ४७ बलको सामना गर्दै ५२ रन बनाइन्। यस्तै मिथिला विनोदले १७ बनाइन्।
बंगलादेशकी फर्जमा एस्मिनले चार विकेट लिइन्।
११८ रनको विजयी लक्ष्यसहित मैदानमा उत्रिएको बंगलादेशले १८ दशमलव ३ ओभरमा सबै विकेट गुमाएर ७६ रनमात्र बनाउन सक्यो। बंगलादेशका लागिजयुरिया फेरडोसले २२ तथा फायोमिदा चोयाले १८ रन बनाउनु बाहेक अन्य कुनै ब्याट्सम्यानले दोहोरो अंक जोड्न सकेनन्।
भारतकी आयुषी शुक्लाले ३ तथा परुनिका शुक्ला र शोनम यादवले समान २–२ विकेट लिए।
पहिलो पटक एसिया कपमा सहभागी भएको नेपाल भने तेस्रो भएको छ।
