साइबर अपराधको कसुरमा पक्राउ परेका मेडिकल व्यवसायी दुर्गा प्रसाईंलाई अदालतमा उपस्थित गराइएकाे छ।
प्रसाईंलाई म्याद थपका लागि बुधबार सरकारी वकिलको कार्यालय हुँदै काठमाडौँ जिल्ला अदालत लगिएको हो।
उनीमाथि ‘फेक डकुमेन्ट’ को सहारामा प्रधानमन्त्री केपी शर्मा ओलीको बारेमा भ्रामक र गलत जानकारी फैलाएको आरोप छ।
उनले हालै आफ्नो सामाजिक सञ्जाल फेसबुक पेजमा एक अफवाहजन्य भिडियो रिपोर्ट सार्वजनिक गर्दै कम्बोडियाको स्मार्ट एजियाटा कम्पनीमा प्रधानमन्त्री ओलीले २१ करोड अमेरिकी डलर (साढे ३२ अर्ब नेपाली रूपैयाँभन्दा बढी) लगानी गरेको बताएका थिए।
प्रसाईंविरुद्ध साइबर अपराधमा अनुसन्धान अघि बढेको छ भने किर्तेलगायत अन्य कसुरमा पनि अनुसन्धान हुनेछ।
