काठमाडौं । कीर्तिपुर नगरपालिका–३ का वडाध्यक्ष सुविन्द्र महर्जनले कार्यवाहक मेयर शुभलक्ष्मी शाक्यको कार्यकक्षमा तोडफोड गरेका छन् । आइतबार दिउँसो नगरपालिका पुगेका महर्जनले प्रमुख प्रशासकीय अधिकृतले धेरैबेर कुराएको भन्दै कार्यवाहक मेयरको कार्यकक्षमा तोडफोड गरेका हुन् । सडक निर्माणका लागि नगरपालिकाले ढिलो सुचना निकालेको उनको रिस थियो । प्रमुख प्रशासकीय अधिकृत माधवप्रसाद ढकाल अर्कै बैठकमा व्यस्त भएका बेला वडाध्यक्ष मेयर धाक धम्कीको शैलीमा कार्यकक्षमा तोडफोड गरेका हुन् ।
नगरपालिकाका प्रवक्ता दिवाकर अधिकारीले वडाध्यक्षले नगरपालिकाको सम्पत्ति क्षति भएकाले त्यसको क्षतिपूर्ति तिनुपर्ने र माफी माग्नुपर्ने माग्नुपर्ने बताएका छन् । यदि वडाध्यक्षले नगरपालिकाको नियमलाई पालना नगरे उक्त केस प्रहरीमा दर्ता गर्ने नगरपालिकाको तयारी रहेको छ ।
