साउदी अरबियामा जन्मिएकी तेजस्वी प्रकाश अहिले भारतीय टिवीकी चर्चित अभिनेत्रीमध्येकी एक हुन्।
आफ्नो अभिनयको कारण करोडौं दर्शकहरूको मन जितेकी उनले बिग बोस–१५ को उपाधि पनि जितिसकेकी छन्।
सुरुवाती दिनमा उनी आफ्नो भाइजस्तै इन्जिनियर बन्न चाहन्थिन्। तर कसरी अभिनेत्री भइन्? उनको अभिनेत्री बन्नुको कारण पनि रोचक छ।
टिवीकी अभिनेत्री तेजस्वी प्रकाश मुम्बईको एक मराठा वायंगकर परिवारसँग जोडिएकी छन्। उनको परिवार संगीतसँग जोडिएको छ।
भलै, उनको जन्म साउदीको जेद्दाहमा भएको थियो तर उनको पालन–पोषण मराठी भाषा परिवारमा भएको थियो। त्यसैले पनि होला उनको शास्त्रीय संगातसँग लगाव छ। र, उनले चार वर्षसम्म भारतीय शास्त्रीय संगीतमा पनि भाग लिइन्।
इन्जिनियरबाट अभिनेत्रीसम्मको यात्रा
तेजस्वी प्रकाश इन्जिनियर बन्न चाहन्थिन्। उनले प्रारम्भिक शिक्षा पूरा गरिसकेपछि मुम्बईको यूनिवर्सिटीबाट इलेक्ट्रोनिक्स एण्ड टेलिकम्यूनिकेशनमा इन्जिनियरिङको पढाई गरिन्।
पढाईका क्रममा उनले कयौं ब्यूटी कन्टेस्टमा भाग लिन सुरु गरिज्। इन्जिनियरिङको क्रममा मुम्बई फ्रेश फेस कन्टेस्ट जितेपछि जब उनको तस्बिर पत्रिका र मिडियामा आयो। त्यसपछि उनको जीवनै परिवर्तन भइदियो।
त्यसपछि उनले अभिनयमा करिअर बनाउनका लागि इन्जिनियरिङको कामै छोडिदिइन्। र, फिल्मी दुनियाँमा पाइला टेकिन्।
सन् २०१२ सालमा पहिलोपटक ‘सस्पेन्स थ्रिलर’ उनी देखिएकी थिइन्। त्यसपछि उनले पछाडि फर्किनु परेन। २०१३ सालमा टिवी सिरियल ‘संस्कार–धरोहर अपनो कि’मा पनि उनको अभिनय रह्यो।
तर सन् २०१३ सालमा आएको सिरियल ‘स्वारागिनी’मा भने उनलाई छुट्टै पहिचान मिल्यो। त्यसपछि उनी २०१७ सालमा चलेको सिरियल ‘पहरेदार पिया कि’मा देखिइन्। जसमा उनको झनै चर्चा चुलिदैं गयो। र, उनी २०१८ सालमा ‘कर्ण संगितनी र सिलसिला’मा देखिइन्।
तर सबैभन्दा चर्चा उनले नागिन–६ मा पाइन्। जसबारण अहिले पनि उनी नागिनकै कारण चर्चित छिन्। र, अहिले आफ्नो प्रेमी करण कुन्द्रासँग घुमफिरमा समय बिताइरहेकी छन्।
