मानिसको चाहना असीमित हुन्छ । कुनै एक वस्तुको खरिद गर्दा पनि त्यसको गुण अवगुण बुझेर सामान तौलेर सही लागे मात्र लिने गरिन्छ ।
यस्तोमा आफ्नो पार्टनरमा हुने गुणका बारेमा हरेक मानिस सजग हुने गर्दछन् । उसको व्यक्तित्व, क्षमता र विगतका साथै मानिसले उसमा केही विशेष गुणहरू खोज्ने गर्दछन् ।
अझ यस मामलामा युवतीहरू निकै सजग हुन्छन् । युवती आफ्नो पार्टनरमा निम्न ७ गुण खोज्ने गर्दछन् ।
१. स्मार्ट तथा गुड लुकिङ
झट्ट हेर्दा जो कोहीलाई गुड लुकिङ र स्मार्ट मानिस नै मन पर्छ । तसर्थ हरेक युवती आफ्नो हुनेवाला पार्टनर आकर्षक र स्मार्ट होस् भन्ने चाहन्छन् ।
२. केयरिङ गर्ने
कुनै पनि युवतीले आफ्नो पार्टनरमा आफ्नो पिताको छवि होस् भन्ने चाहन्छन् । पिताको छवि यस कारण कि उनीहरू आफ्नो सन्तानको निकै धेरै केयर गर्दछन् ।
उनले खाए नखाएको वा बिरामी भएको सबैमा पिताको चासो रहन्छ। तसर्थ युवतीले आफ्नो पार्टनरमा केयरिङ गर्ने स्वभाव भए नभएको हेर्ने गर्दछन् ।
३. आर्थिक सबल
धनी केटा युवतीको रोजाइमा पर्छ भन्ने आरोप छ । तर अधिकांश अवस्थामा यो सत्य नै हो । किनकि अभावमा भएकासँग जीवन बिताउनु भन्दा शुरुवातमा आर्थिक सबल भएको पार्टनरलाई युवतीले महत्त्व दिन्छन् ।
जसका कारण विवाह पश्चात् आर्थिक रूपले कुनै असुरक्षा झेल्न नपरोस् भन्ने उनीहरूको चाहना हुन्छ ।
४. राम्रो रोजगार
हरेक मानिसको चाहना हुन्छ, कुनै राम्रो जागिर खाने । अझ यस्तोमा कोही आफन्तले राम्रो जागिर खाएको छ भने हामी त्यसलाई उदाहरणीय बनाउँछौ ।
यस्तोमा युवतीहरू आफ्नो पार्टनरले राम्रो जागिर खाएको होस् भन्ने चाहना राख्दछन्। राम्रो जागिर भएमा कमाई, तथा लाइफस्टाइल राम्रो हुने उनीहरूको बुझाइ रहने गरेको छ ।
५. रोमान्टिक
अक्सर महिलालाई आफ्नो पार्टनर रोमान्टिक होस् भन्ने चाहाना हुन्छ। गम्भीर, चिन्तित वा भावुक पार्टनर युवतीले रुचाउँदैनन् । उनीहरू पार्टनरले घरी घरी ख्यालठट्टा गरोस्, रमाइलो माहौल बनाओस्, सरप्राइज दिओस् भन्ने चाहना हुन्छ ।
६. परिवारमा समय दिने
प्राय युवतीहरू आफ्नो पार्टनरले आफूलाई प्रशस्त समय दिउन् भन्ने चाहना राख्दछन् । कामकाजी पुरुषहरू कार्यालयको काम वा करियर बनाउने नाममा घर परिवारलाई समय दिन सकिरहेका हुँदैनन् । तर यस्ता पुरुषलाई युवतीले खासै मन पराउँदैनन् ।
७. समझदार
हरेक युवती आफ्नो पार्टनरमा समझदारीको गुण होस् भन्ने चाहन्छन् । पार्टनर समझदार भएमा मात्र आफ्नो भावना बुझ्ने उनीहरूको तर्क रहने गरेको छ । साधारण विषयमा पनि शङ्का गर्ने वा किचकिच गर्ने पुरुष युवतीको रोजाइमा पर्दैनन् ।
