सपना एक सामान्य स्वभाविक प्रक्रिया हो । सबै मानिसले सपना देख्छन् । स्वप्नशास्त्रका अनुसार सपनाको केही न केही अर्थ हुन्छ । प्राचीन धर्मग्रन्थ वाल्मिकी रामायण, अग्नी पुराण आदिमा सपनाको माध्यमबाट भविष्यमा हुने घटनाहरुको बारेमा जानकारी पाएको वर्णन भेटिन्छ ।
सपना शास्त्रले पनि सपनामा जे देखिन्छ त्यसको वास्तविक जीवनसँग कुनै न कुनै सम्बन्ध हुन्छ भनेको छ । ज्योतीष शास्त्रीहरुका अनुसार केही यस्ता सपना छन् ।
जुन सपना देखियो भने जीवनमा अशुभ हुने सङ्केत गर्दछ—
१. यदि सपनामा जुवा तास खेलेको देखियो भने धन हानी हुने सङ्केत गर्छ ।
२. सपनामा कुचो देखियो भने पैसा नोक्शानीको सङ्केत गर्छ ।
३. सपनामा उल्लु देखियो भने जीवनमा सङ्कट आउने सङ्केत गर्छ ।
४. सपनामा पाकेटमारेको देखियो भने नोक्शानीको हुने सङ्केत हो ।
५. सपनामा मरुभूमिमा हिँडेको देखियो भने शत्रु लाग्ने र दुःख पाउने सङ्केत गर्छ ।
६. सपनामा रुख काटेको देखियो भने निकट भविष्यमा कुनै अशुभ घटना हुने सङ्केत गर्छ ।
७. सपनामा बाढी आएको देखियो भने पनि जीवनमा क्षति ब्यहोर्नु पर्छ ।
८. सपनामा पर्खाल ढलेको देखियो भने धन वा प्रतिष्ठामा क्षति पुग्न सक्छ ।
९. सपनामा चोर या डाँकु देखियो भने धन हानी हुन सक्छ ।
१०. सपनामा खाली दोकान देखियो भने आर्थिक समस्या आउनसक्ने सङ्केत गर्छ ।
