भारतको कर्नाटस्थित बागलकोटमा रहेको एक अस्पतालमा शल्यक्रिया गरेका चिकित्सक एकाएक चकित परे । शल्यक्रियामा जुटेका चिकित्सकको समुह जुन बिरामीको पेटको शल्यक्रिया गरीरहेका थिए उसको पेटबाट जे जे निस्कियो यसले चिकित्सलाई चकित पार्याे ।
आइतबार पेट दुखेको भन्दै अस्पतालमा उपचारकालागी पुगेका ५८ वर्षीय दयमप्पा हरिजनको पेट बेलुन झै फुलेको थियो । जसका कारण चिकित्सकले उनको पेटको एक्सरे गरे । पेटमा केहि वस्तु देखेपछि यसलाई शल्यक्रिया मार्फत बाहिर निकाल्न चिकित्सकको समुहले अप्रेसन थाल्यो तर जब बिरामीको पेटबाट एक एक गर्दै १८७ सिक्का निस्कियो यसले चिकित्सकको समुह नै तिनछक्क परे ।
बागलकोटको श्री कुमारेश्वरा अस्पतालमा शल्यक्रियाको क्रममा दयमप्पाको पेटबाट १८७ सिक्का निकाल्यो । जसमा ५६ वटा ५ रुपैँयाको सिक्का, ५१ वटा २ रुपैँयाको सिक्का र १ रुपैँयाको ८० वटा सिक्का थियो । दयमप्पाका आफन्तले दिएको जानकारी अनुसार उनी मानसिक बिरामी थिए र उनले ३÷४ महिनामा अलि अलि गर्दै यति धेरै सिक्का निलेको हुन सक्थ्यो ।
