काठमाडौँ – अमेरिकाको फेडरल एभिएसन एडमिनिस्ट्रेशन (एफएए) ले स्पेसएक्सलाई जरिवाना गरेको छ ।
सन् २०२३ मा दुई ओटा अन्तरिक्ष प्रक्षेपणको क्रममा आफ्नो इजाजत पत्र आवश्यकताहरू पालना गर्न असफल भएर तीन सुरक्षा उल्लङ्घन गरेको आरोप एफएएको छ । यदि यो आरोप अनुसार पूर्ण जरिवाना लगाइयो भने स्पेसएक्सले ६,३३,००९ अमेरिकी डलरको सामना गर्नुपर्ने छ।
यी उल्लङ्घनका आरोप स्पेसएक्सको दुई अलग प्रक्षेपणहरूसँग सम्बन्धित रहेका छन्।
जस मध्ये पहिलो उल्लङ्घन सन् २०२३ को जुन १८ मा केप क्यानाभेरल स्पेस फोर्स स्टेशनबाट लन्च भएको पीएसएन सातरिया मिसनको भागको रूपमा भएको जनाइएको छ।
त्यसैगरी दोस्रो उल्लङ्घन सन् २०२३ को जुलाई २८ मा भएको थियो जसमा इकोस्टार एक्सआईभीरजुपिटर मिसनको योजनाहरू समावेश थिए।
अन्तरिक्ष कम्पनीले एफएए अधिवक्तासँग अनौपचारिक सम्मेलन आयोजना गर्न वा एफएएलाई आफ्नो मुद्दाको पक्षमा थप जानकारी पेस गर्न छनौट गर्न सक्ने इनग्याजेटले उल्लेख गरेको छ।
