भिटामिन सी अति आवश्यक छ, तर हाम्रो शरीरले आफै निर्माण गर्न सक्दैन । यसको पूर्तिका लागि खाद्यपदार्थमा निर्भर रहनुपर्छ । अमला, ब्रोकाउली, खुर्सानी, रातो भेँड खुर्सानी, सुन्तला, मेवा र कागती आदि भिटामिन सीका राम्रा स्रोत हुन् ।
भिटामिन सी खुला हावा, पानी र बढी तापक्रममा परिवर्तन हुने भएकोले त्यस्ता खानेकुरा सकभर काँचै खानु स्वास्थ्यका लागि राम्रो हुन्छ । यसले रगतका नली र केसिकालाई मजबुत पार्छ । भिटामिन सी प्रबल शक्तिशाली एन्टिअक्सिडेन्ट पनि भएकोले फ्री रेडिकलबाट हुने हानिकारक असरबाट बचाउन र इम्युन सिस्टम पनि बलियो पार्न जरुरी छ । भिटामिन सीको कमीले ‘स्कर्भी’ नामक बिमार हुन सक्छ । स्कर्भी हुँदा गिजामा रगत आउने, शरीर कमजोर हुनेजस्ता लक्षण देखा पर्छन् ।
भिटामिन सी रुघामार्गी नियन्त्रणमा पनि उपयोगी हुन सक्ने विश्वास गरिन्छ ।
साभारः ‘जीवन जिउने काइदा’ पुस्तकबाट
