नेपाली समाजमा चिया संस्कार नै बनिसकेको छ । नेपालीहरुको दिनचर्या चियाबाट नै शुरु हुन्छ । यस बाहेक दिनभरमा एकै व्यक्तिले धेरै मात्रामा चिया पिउने गर्दछन् । केहि मानिस त दिनभरमा १०/१५ कपसम्म चिया पिउन गर्दछन् । तर चिया धेरै पिउँदा यसले शरीरमा नकारात्मक असर पार्दछ । अझ दूध चिया अन्य चियाको तुलनामा हानिकारक मानिन्छ ।
यी हुन् धेरै चिया पिउँदा हुने बेफाइदा:
– दैनिक ३ कप भन्दा बढि चिया पिउनेहरुमा एसिडिटीको समस्या उच्च हुन्छ ।
– धेरै चिया पिउने मानिसको पाचन प्रणालीमा समस्या हुने गर्दछ ।
– धेरै चिया पिउँदा दाँतमा दाग हुने क्याभिटि नास हुने गर्दछ ।
– धेरै चिया पिउनेहरुमा अनिन्द्राको समस्या देखा पर्न सक्छ ।
– भोको पेटमा चिया पिउँदा पेट फुल्ने तथा अपच हुने समस्या देखापर्छ ।
– धेरै चिया पिउदा भोक कम जाग्दछ, जसले शरीर पोषण अभाव बनाउने गर्दछ ।
– धेरै चिया पिउने मानिसमा रोग प्रतिरोधात्मक क्षमता कम हुन्छ ।
– तातो चिया पिउने मानिसमा भोजन नलीको समस्या देखा पर्न सक्छ ।
– चियालाई ताततातो पिउनु हुदैँन, केहिबेर सेलाएर मात्र पिउनु पर्छ ।
– धेरै चियापती हालेर चिया खानु हुदैँन यसले स्वास्थ्यमा नकारात्मक असर पार्दछ ।
– चियामा हुने कैफीनले चिया पिउन लत लाग्दछ जो पछि छाड्न ग्राहो हुन्छ ।
– रंग कडा हालेको चिया खाने मानिसमा अल्सर हुने संभावना उच्च रहन्छ ।
– चिया पिउँदा शरीर तातो हुन्छ भन्ने ठान्नु हुन्छ चियाले शरीरलाई तातो पार्दैन ।
– एकै पटक धेरै चिया बनाई त्यसैलाई पटक पटक तताएर चिया पिउनु हुदँैन ।
– चिया पकाउँदा चियापत्तिलाई धेरैबेर उमाल्नु हुदैँन यसले शरीरमा असर पार्दछ ।
