कोलाइटिस ठूलो आन्द्राको रोग हो । लामो समयसम्म कब्जियत भैरहँदा र यसमा प्रयोग गरिने औषधीको कारणले ठूलो आन्द्रामा यो समस्या हुने गर्दछ । म्युकस र अल्सरेटिभ गरी कोलाइटिस दुई प्रकारको हुने गर्छ ।
यो रोगमा प्रयोग गरिने एलोपेथिक औषधीहरुले रोगको लक्षणलाई मात्र समाप्त गर्ने हुँदा यसको कारणलाई भने निर्मूल पार्न सक्दैनन् । जसले गर्दा रोग बल्झिरहने संभावना रहन्छ । तसर्थ प्राकृतिक भोजन, स्वस्थ जीवनशैली, आराम, योग, ध्यान, प्राणायाम आदिबाट यसलाई निको पार्न सकिन्छ ।
भोजन सुधार गर्नु कोलाइटिसको उपचारको महत्वपूर्ण पक्ष हो ।
– उपचारको शुरुमा केही दिनसम्म फलफूलको जुस मात्र पिएर उपवास बस्नुपर्दछ ।
– जुसमा मनतातो पानी मिसाएर पिउनुपर्दछ ।
– मेवाको जुस, काँचो बन्दाको जुस, गाँजरको जुस यस रोगमा सर्वाेत्तम मानिन्छ ।
– कागती, सुन्तला, जुनारजस्ता अमिला जातका फलफूलको जुस नपिउनु जाति हुन्छ ।
– भोजनमा फलफूलहरु (पाकेका केरा, मेवा) र उमालेका तरकारीहरु समावेश गर्नुपर्दछ । साथमा गिलो गरेर पकाइएको र दलिया खानु वेश हुन्छ ।
– उपवासको १० दिनपछि दैनिक भोजनमा अंकुरित भोजन, काँचो खने सलादहरु जौ र गहुँको आँटाको परिकार, ब्राउन राइस, दही, मोही आदि खानु वेश हुन्छ ।
– लसुन, आलस, जौको सेवन हितकर मानिन्छ ।
– भोजन बिस्तारै र राम्ररी चपाएर निल्नु पर्छ ।
– सेतो चामल, मैदा, चिनी, ज्यादा नुन, कडा चिया, कफी, रक्सी आदिको सेवन हानिकारक मानिन्छन् ।
– आल्मुनियमको भाँडामा पकाइएका खाना समेत हानिकारक मानिन्छ ।
– नरिवल पानीले फाइदा गर्दछ भने स्याउलाई उसिनेर खानाले फाइदा गर्दछ ।
– दहीमा मह र चिसो पानी मिसाएर छानेर पिउनु लाभदायक हुन्छ ।
साभारः ‘१०१ रोग, एकसे एक उपचार’ पुस्तकबाट
