प्राकृतिक उपचारपद्धतिमा इमलीको प्रयोग

आयुर्वेदिक मतमा इमलीको पात रक्तविकार, सुन्निने रोग, आँखाका रोगहरु, कानका रोगहरु, सर्पले टोकेको उपचारमा प्रयोग गरिन्छ ।
बोक्रा— स्वादिष्ट अमिलो अग्निदीपक, रुचिकारक, वात, कफ र प्रमेहलाई नाश गर्ने गुणयुक्त छ ।
बीज– घाउ, खटिरा र प्रसवसम्बन्धी स्वास्थ्य समस्यामा लाभदायक छ ।
काँचो फल — अमिलो, अग्निदीपक, कब्जकारक, गरम प्रकृतिको आन्द्रामा सङ्कोच पैदा गर्ने, वातनिवारक, रक्तपित्त र रक्तलाई दूषित गर्ने गुणयुक्त छ ।
पाकेको फल मधुर, सारक, अमिलो, हृदयलाई शक्ति दिने, पाचन अवशोषण र मलनिष्काशनमा सहयोगी, कब्जनिवारक, कृमि (जुका) नाशक, घाउ र हड्डी ठोकिएकोमा लाभदायक ।
इमलीको फूल आँखाका रोगमा लाभदायक छ । रगत बग्ने बवासिरमा पनि यो लाभदायक छ ।
बीजः वीर्य–स्तम्भक, घाउमा पुल्टिस बाँध्न उपयोगी छ ।
पाकेको फलः आन्द्राहरुमा उत्तेजना नदिई सरल रुपमा दिसा सफा गराउने, हृदयलाई बल प्रदान गर्ने या भनौँ हृदयका लागि पोषक, पित्त, वमनलाई शान्त गर्ने, गलाको रोगमा फाइदा गर्ने, मूर्छा या बेहोसीमा फाइदा गर्ने र बराबर टाउको दुख्नेहरुलाई हितकर छ । यसले आमाशयलाई शक्ति दिनुका साथै प्रतीरक्षा प्रणालीलाई सशक्त बनाई सङ्क्रामक रोगबाट बचाउँछ ।

साभारः ‘आरोग्यको मूलबाटो’ पुस्तकबाट