यो धेरै जसो व्यक्तिहरुमा हुने सामान्य छालाको समस्या हो । १३–१४ देखि २४–२५ वर्षका युवाहरुलाई यो समस्याले ज्यादा सताउने गर्छ भने यो भन्दा बढी उमेरकाहरुमा पनि यो समस्या देखिने गर्दछ । धेरै जसो अनुहारमा देखिन भए तापनि छाती, काँध र पिठ्युँमा समेत डण्डिफोर निस्कने गर्छ ।
शरीरको आन्तरिक सफाइबाट यो समस्याबाट मुक्ति पाइन्छ । यसको लागि भोजनको महत्वपूर्ण भूमिका रहेको छ ।
– कब्जियतबाट बच्नुपर्दछ ।
– चिल्लो, बोसोयुक्त खानाको कम सेवन गर्नुपर्दछ ।
– भिटामिन ए युक्त खानाहरु दैनिक भोजनमा समावेश गर्नुपर्दछ ।
– भिटामिन ए को स्रोत— अण्डा, दूध, मेवा, गाँजर, पालुङ्गो आदि हुन् ।
– भिटामिन इ छालाको स्वास्थ्यको लागि लाभदायक मानिन्छ ।
– भिटामिन ई का स्रोतहरु— चोकरसहित गहुँ, जौ, अण्डा, हरिया सागपात आदि हुन् ।
– दैनिक कम्तीमा २ लिटर पानी पिउनुपर्दछ । कागती पानी पिउनु लाभदायक हुन्छ ।
– जिंकयुक्त भोजनले डण्डीफोरमा लाभ गर्छ ।
– दैनिक भोजनमा फलफूल, काँचो सलाद र तरकारीहरु बढी समावेश गराउनु पर्दछ ।
– फलफूल अन्तर्गत मेवा, आँप, गाँजर, नासपाती, स्याउ, भुइँकटहर, जुनार, अंगुर तरकारीहरुमा हरिया सागपात, पालुङ्गो, कुरिलो, गान्टेमुला सलादहरुमा ब्रोकाउली, काँक्रो, गाँजर, प्याज, गोलभेँडा, धनियाँ मोटरकोसा आदि सेवन गर्न सकिन्छ ।
– दैनिक खाली पेटमा जमाराको रस १ कप सेवन गर्नु लाभदायक हुन्छ ।
साभारः ‘एकसे एक उपचार’ पुस्तकबाट
