सन् २००६ पछि इङ्ग्ल्याण्डमा १० र ११ वर्षका बालबालिकामा मोटोपन ३० प्रतिशतले बढेको छ। शताब्दीको सुरुआतपछि बालबालिकाको स्वास्थ्यमा यो दूरगामी गिरावटको भाग भएको एक प्रतिवेदनमा उल्लेख छ।
परोपकारी संस्था फुड फाउण्डेसनले गरेको अध्ययनमा आफ्नो तौलसँग संघर्ष गरिरहेका बालबालिकाको सङ्ख्यामा भएको वृद्धिलाई ‘गहिरो चिन्ताजनक’ भनेको छ।
अन्य निष्कर्षमा सन् २०१३ पछि पाँच वर्षका बालबालिकाको उचाइमा लगातार गिरावट र २५ वर्षभन्दा कम उमेरका मानिसमा टाइप २ मधुमेहमा वृद्धि समावेश छ। पछिल्लो पाँच वर्षमा टाइप २ मधुमेह २२ प्रतिशतले वृद्धि भएको छ।
प्रतिवेदनका लेखकहरूले सम्भावित कारणहरूमा ‘गरिबी र अभावको चकित पार्ने स्तर’ तथा ‘खाद्य उद्योगद्वारा सस्तो पत्रु खाना (जङ्क फुड) को आक्रामक प्रचार’ रहेको बताएका छन्।
लेखकहरूले मुलुकको हालको जीवनयापन संकट लागतले धेरै परिवारलाई स्वस्थ, पौष्टिक खाना उपलब्ध गराउने संघर्षलाई ‘तीव्र’ बनाएको बताएका छन्।
पूर्वसरकारी खाद्य सल्लाहकार हेनरी डिम्बलबीले प्रतिवेदनमा यो गिरावट ‘चकित पार्ने र अत्यन्त दुःखद’ भएको बताए। उनले जुलाई ४ मा हुने बेलायतको आम निर्वाचनमा जित्ने जुनसुकै राजनीति दलले ‘स्वस्थ र दिगो खानालाई सस्तो बनाउने जंक फुडको वृद्धि रोक्न निर्णायक कदम’ चाल्न आग्रह गरे।
अनुसन्धानअनुसार १०/११ वर्षको उमेरमा प्राथमिक विद्यालय छाडेपछि पाँचमध्ये एक बालबालिकामा मोटोपन देखिएको थियो। यसबाट उनीहरूलाई टाइप २ मधुमेह विकसित हुने धेरै खतरा छ। सन् १९९२ र सन् २००० बीच मोटोपनसँग लड्नका लागि ९८९ नीतिसहित १४ सरकारी रणनीतिहरूको प्रकाशनका बाबजुद कुनै प्रगति हुन सकेको छैन।
‘एउटा उपेक्षित पुस्ता : इङ्ग्ल्याण्डमा बालबालिकाको स्वास्थ्यमा गिरावटलाई उल्टाउँदै’ नामक प्रतिवदेनले किशोरहरूमा टाइप २ मधुमेहको पहिलो मामिला सन् २००० मा निदान गरिएको बताएको छ। त्यसपछि सन् २०१२र१३ र सन् २०२०र२१ को बीचमा टाइप २ मधुमेहको मामिला तीन गुणाले बढेको छ।
राजनीतिक नेताहरूले वर्तमान गतिलाई उल्ट्याउनुपर्ने प्रतिवेदनमा उल्लेख छ। ‘यस्तो गर्न असफल भएमा आहारसम्बन्धित बिमारी र त्यसले ल्याउने परिणामले आफ्नो जीवनको बोझको पुस्तालाई नेतृत्व गर्नेछ’, प्रतिवेदनले भनेको छ।
