हिन्दू धर्म विधिअनुसार तुलसी नभई दैनिक पूजा वा कुनै धार्मिक कार्य हुन सक्दैन । प्रत्येक घर तथा मन्दिरहरुमा तुलसीका विरुवा प्रशस्त मात्रामा हुन्छन् । तुलसी धेरै प्रकारका हुन्छन् जस्तै— कृष्ण तुलसी, सेतो तुलसी, रातो तुलसी, कालो तुलसी, श्री तुलसी रातो, राम तुलसी आदि । तुलसीको गमलालाई ‘वृन्दावनी’ भनिन्छ । यसलाई भूखण्डको उत्तर-पूर्वी कुनामा रोप्नुपर्दछ र नित्य पूजा गर्नुपर्दछ ।
तुलसीमा तीव्र तथा प्रेरणापूणर् सुगन्ध हुन्छ । यसबाट अनेकौँ रोगहरु निको हुने विश्वास गरिन्छ । यसको वैज्ञानिक, औषधीय तथा आध्यात्मिक महत्व छ । तुलसीमा प्रशस्त मात्रामा हुने खनिज तत्वहरुका कारण ३ सय भन्दा बढी यसलाई आयुर्वेदिक औषधीहरु बनाउन प्रयोग गरिन्छ । यसले विशालु तथा रोग फैलाउने किटाणुहरुलाई नष्ट गर्न सक्छ । दम, पक्षघात, कुण्ठा आदि रोगहरुको उपचारमा यसको प्रयोग गरिन्छ । यसले रगतलाई शुद्ध बनाउनुको साथै पाचन प्रणालीमा सुधार गर्छ ।
सुकेको तुलसीको विरुवालाई हस्तकलाका सामग्री तथा तुलसीको पवित्र माला बनाउने कार्यमा प्रयोग गरिन्छ । पूजाको लागि सूर्योदयभन्दा अगाडि नै तुलसी टिप्नु पर्दछ । तुलसी टिप्दा कहिल्यै पनि नङहरुको प्रयोग गर्नु हुँदैन । यस दिव्य विरुवाको तुलना अन्य रुख तथा विरुवाहरुसँग गर्न सकिँदैन ।
