काठमाडौं । नेपाली कांग्रेसका प्रवक्ता डा. प्रकाशशरण महतले विभिन्न देशका राजदूतहरू फिर्ता बोलाउने सरकारले गरेको निर्णय गलत भएको बताएका छन् । मंगलवार संघीय संसद भवन परिसरमा सञ्चारकर्मीसँग कुरा गर्दै उनले यस्तो बताएका हुन् ।
राजनीतिक पूर्वाग्रह साँधेर सरकारले भारत, अमेरिकालगायतका देशको हितमा काम गरिरहेका राजदूतहरूलाई फिर्ता बोलाउने निर्णय गरेर गल्ती गरेको उनको भनाइ छ ।
उनले सरकारले देशको लागि नभई आफ्नो मान्छे पठाउनका लागि विभिन्न देशको राजदूत फिर्ता बोलाउने निर्णय गरेको बताए । प्रवक्ता महतले नेपालको हितमा काम गरिरहेका राजदूतहरुलाई फिर्ता बोलाउने सरकारको निर्णय उचित नभएको उल्लेख गरे ।
‘जुनसुकै सरकार भएपनि देशको हितका लागि उनीहरुले काम गरिरहेको बताउँदै उनले सको बाबदुत यो जसरी गरियो पूर्वाग्रहपूर्ण तरिकाबाट निर्णय गरेको बताए । सरकारले गरेको यस्तो निर्णयले नेपालको हित नहुने समेत बताए । प्रवक्ता महतले प्रधानमन्त्रीको भारत भ्रमणअघि सरकारले त्यस्तो निर्णय गर्नु झनै उचित नभएको भन्दै सरकारको आलोचना गरे ।
