काठमाडौँ । पञ्जाब किंग्स इन्डियन प्रिमियर लिग–२०२४ को प्लेअफको दौडबाट बाहिरिएको छ । आफ्नै घरेलु मैदानमा रोयल च्यालेन्जर्स बैंगलोरसँग टोली ६० रनले पराजित भएको थियो ।
पञ्जाब यो सिजन लिग चरणबाट बाहिरिने दोस्रो टोली बनेको छ । २ दिनअघि हार्दिक पाण्ड्याको कप्तानीमा रहेको मुम्बई इन्डियन्स लखनउमाथि हैदरावादको जितसँगै बाहिरिएको थियो ।
बिहीबार, आरसीबीले सिजनमा दोस्रो पटक पीबीकेएसलाई पराजित गर्यो। बैंगलोरको यो लगातार चौथो जित हो । यो जितसँगै आरसीबी १० अंकसहित अंक तालिकाको सातौं स्थानमा पुगेको छ । योसँगै टोलीले प्लेअफमा पुग्ने आशा जीवित राखेको छ । अब बैंगोरले अन्तिम दुई खेल जित्नुपर्नेछ । यसका बाबजुद पनि आरसीबी अन्य टोलीको नतिजामा भर पर्नु पर्नेछ ।
धर्मशालास्थित एचपीसीए रंगशालामा भएको खेलमा पञ्जाबले टस जितेर बलिङ रोजेको थियो । आरसीबीले निर्धारित २० ओभरमा ७ विकेट गुमाएर २४१ रन बनायो । यो धर्मशाला मैदानमा आईपीएलको उच्च स्कोर हो । रन पछ्याउने क्रममा पञ्जाब १७ ओभरमा १८१ रन बनाएर अलआउट भयो । खेलको प्लेयर अफ द म्याच विराट कोहली भए । उनले ४७ बलमा ९२ रन बनाए ।
आरसीबीका तर्फबाट विराट कोहलीले ९२, रजत पाटीदारले ५५ र क्यामरुन ग्रीनले ४६ रन बनाए । पञ्जाबका हर्षल पटेलले ३ तथा विद्वत कावेरप्पाले २ विकेट लिए ।
पिबिकेएसका रिले रुसोले ६१ रन बनाए । शशांक सिंहले ३७, जोनी बेयरस्टोले २७ र साम करनले २२ रन मात्र बनाउन सके । बैंगलोरका मोहम्मद सिराजले ३ विकेट लिए । कर्ण शर्मा, स्वप्निल सिंह र लोकी फर्गुसनले २–२ विकेट लिए ।
