काठमाडौँ– यूरोपियन युनियनका एक प्रतिनिधिले मधेश प्रदेशको भ्रमण गरेको छ । भ्रमणमण्डलमा यूरोपियन युनियनका राजदुत भेरोनिक लोरोन्जो, नेपालका लागि जर्मनीका राजदुत डा थोमस पिन्ज, फ्रेन्सेली राजदुत गिलेस बाउरबाउ र नेपाल स्थित स्वीडेन राजदुताबासका उपप्रमुख क्रिस्टियन कामिल रहेका छन् ।
उनीहरुले भ्रमणको क्रममा स्थानीय नेताहरु, शिक्षकहरु, अभिभावक र युवाहरुसँग छलफल गर्नेछन् । उनीहरुले बाराको पठलैयामा रहेको श्री नेपाल राष्टिय माध्यमिक विद्यालयको भ्रमण गरेका थिए । उक्त विद्यालयमा यूरोपियन युनियनले बालिका, अल्पसंख्यक, दलित तथा अपाङ्ग बालबालिकाको अध्ययनको लागि आर्थिक सहयोग गरेको छ ।
उनीहरुले जितपुर–सिमराका उपमहानगरपालिकाका मेयर राजन पौडेल सहित अन्य प्रतिनिधिसँग पनि छलफल गर्ने छन् । यसको साथै उनीहरुले सर्लाही जिल्लाको हरिवनमा हेल्भटास नेपालले गरेको परियोजनाको अवलोकन गर्नेछन् ।
