काठमाडौँ– संयुक्त राज्य युवा परिषद् (युएसवाईसी)को अभिमुखीकरण कार्यक्रम समापन भएको छ ।
कार्यक्रमको अन्तिम दिन पूर्वप्रधानमन्त्री बाबुराम भट्टराईले युएसवाईसीका सदस्यहरुसँग विकासमा युवाहरुको भूमिकाका बारेमा छलफल गरेका थिए ।
त्यसैगरी तेस्रो दिनको कार्यक्रममा सांसद शोविता गौतम, गायक प्रकाश सपुत र फोटो पत्रकार स्कन्द गौतमजस्ता वक्ताले नेपालको कला, सक्रियता र राजनीतिबारे चर्चा गरेका थिए ।
कार्यक्रममा सहभागीहरूले तथ्य—जाँच र गलत सूचनाहरू विरुद्ध लड्ने तरिकाहरू बारे पनि सिकेका थिए।
कार्यक्रमको दोस्रो दिन नेपालमा युएसएडको विकास प्रयासहरू र एजजीईबीटीकाच अधिकारहरूमा विषयमा छलफलका भएको थियो । सोही दिन डिजिटल युगमा कथा सुनाउने कला सम्बन्धी सत्र पनि भएको थियो । सहभागीहरूले समस्या समाधान, सामाजिक सञ्जाल व्यवस्थापन र नेपालको आर्थिक परिदृश्यका विषयमा छलफल गरेका थिए ।
कार्यक्रमको पहिलो दिनमा अमेरिकी राजदूत डीन आर थम्पसन र संसदकी उपसभामुख इन्दिरा राणाले पनि उपस्थित भएका थिए।
यस वर्षको परिषद्मा ३५ जिल्ला र सात प्रदेशबाट ५५ सदस्य रहेका छन् ।
