काठमाडौँ – प्रतिनिधिसभाको पहिलो हुने निर्वाचन प्राणाली तर्फका १६५ सिट मध्ये १६३ सिटको मतपरिणाम सार्वजनिक भएको छ । निर्वाचन आयोगले बाजुरा र दोलखाको बाहेकका निर्वाचन क्षेत्रको परिणाम सार्वजनिक गरेको छ ।
हालसम्म प्राप्त नतिजा अनुसार नेपाली कांग्रेसले सबै भन्दा बढी ५६ स्थानमा जित हासिल गरेको छ । यस्तै, नेकपा एमालेले ४४ स्थानमा जित हासिल गर्दै दोस्रो स्थान कायम गरेको छ ।
सत्ता गठबन्धन भित्र रहेको नेकपा माओवादी केन्द्रले १७ सिटमा जित हासिल गरेको छ भने नेकपा एकीकृत समाजवादीले १० सिट हासिल गरेको छ । लोकतान्त्रिक समाजवादी पार्टी (लोसपा)ले ४ सिटमा आफ्नो जित निकालेको छ र सत्ता गठबन्धनकै सहयात्री जनमोर्चाले १ सिट हासिल गरेको छ ।
जनता समाजवादी ७ सिटमा समेटिएको छ भने राष्ट्रिय प्रजातन्त्र पार्टीले पनि ७ सिटमा जित हासिल गरेको छ । रवी लामिछाने नेतृत्वको राष्ट्रिय स्वतन्त्र पार्टीले पनि ७ सिटमा जित हासिल गरेको छ ।
यस्तै, नागरिक उन्मुक्ति पार्टीले ३ सिट, नेपाल मजदुर किसान पार्टीले १ सिट र अन्य स्वतन्त्र उम्मेदवारहरु ५ जनाले जितेका छन् भने सिके राउत नेतृत्वको जनमतले पनि १ सिट हासिल गरेको छ ।
