काठठमाडौं । नेपाल राष्ट्र बैंकले आफ्नो विभिन्न कोषमा रहेको १ अर्ब ९१ करोड रुपैयाँ ब्याजमा लगानी गर्ने भएको छ ।
बैंकले एक सूचना जारी गर्दै २०८१ वैशाख २ गतेदेखि २०८२ वैशाख १ गतेसम्मका लागि कूल १ अर्ब ९१ करोड १० लाख रुपैयाँ विभिन्न बैंकमा निक्षेप राख्ने जनाएको हो ।
कूल निक्षेपमध्ये वाणिज्य बैंकहरुका लागि १ अर्ब ५२ करोड ८९ लाख रुपैयाँ छुट्याइएको छ भने विकास बैंक र राष्ट्रिय स्तरका वित्त कम्पनीका लागि क्रमशः २८ करोड ६६ लाख र ९ करोड ५५ लाख रुपैयाँ छुट्याइएको छ ।
त्यसका लागि केन्द्रीय बैंकले बैंक तथा वित्तीय संस्थाहरूलाई दरखास्त आह्वान गरेको छ । इच्छुक बैंक तथा वित्तीय संस्थाहरूले चैत ८ गते राति १२ बजेसम्म उचित ब्याजदर र निक्षेप माग गरी दरखास्त आह्वान गर्न सक्ने सूचनामा उल्लेख छ ।
