काठमाडौं । लोकतान्त्रिक समाजवादी पार्टी नेपालले केन्द्रीय समिति बैठकका लागि मिति तय गरेको छ । लोसपाले महोत्तरीको बर्दिबासमा फागुन २७ गतेदेखि २९ गतेसम्म बैठक बस्नेगरी मिति तय गरेको हो । लोसपाबाट पार्टीका वरिष्ठ नेता राजेन्द्र महतोलगायतका नेताहरू अलग भइसकेका छन् । नेता महतोले आफ्नो अभियान सञ्चालन गरिरहेका बेला लोसपाले केन्द्रीय समिति बैठक बोलाएको हो ।
पार्टीलाई सुदृढीकरण गर्दै संगठन विस्तारको कामलाई तीव्रता दिने उद्देश्यले यो बैठक बोलाइएको सो पार्टीले जनाएको छ । यसअघि संगठन सुदृढीकरणका लागि लोसापले विभिन्न कार्यदल बनाएको थियो । कार्यदलले आ–आफ्नो प्रतिवेदन तयार गरिसकेको छ । प्रतिवेदनको बारेमा पनि केन्द्रीय समिति बैठकमा छलफल हुने जनाइएको छ । बैठकले केन्द्रीय समिति तथा पदाधिकारी हेरफेर गर्ने तयारी समेत गरेको स्रोतले जनाएको छ ।
