युरोपियन युनियन र नेपालले यो बर्ष ‘सँगसँगै बलियो हुँदै’ भन्ने नाराका साथ कुटनीतिक सम्बन्धको ५० औं बर्षगाँठ मनाउँदै छन् । युरोपियन युनियन र नेपालले राजनीतिक तथा आर्थिक सम्बन्ध सन् १९७४ मा स्थापित गरेका थिए भने सन् १९९६ को जुन १ मा साझेदारी सम्झौता सम्पन्न भएको थियो ।
विगत ५० बर्षको यात्राको दौरानमा दुवै साझेदारहरूमा उल्लेख्य परिवर्तनहरु भएका छन् । नेपाल संघीय लोकतन्त्रको रुपमा स्थापित भएको छ भने तत्कालिन युरोपियन आर्थिक समिति सन् १९९३ मा युरोपियन युनियन भएको छ । यसैगरी सन् २०१० मा युनियनले युरोपियन एक्सटर्नल एक्सन सर्भिस स्थापना गर्दै साझा बैदेशिक तथा सुरक्षा नीति तर्जुमा गरेको छ ।
यसबीचमा, दुवै साझेदारहरूले लोकतान्त्रिक तथा आर्थिक क्षेत्रको विस्तार गर्दै उनीहरुको साझा हीतलाई मजबुत समेत बनाएका छन् । युरोपियन युनियन र नेपालले नियममा आधारित अन्तराष्ट्रिय मापदण्ड, शान्ति तथा संबृद्धी, मानवअधिकार र लोकतन्त्रको संरक्षण र प्रबर्धनको सन्दर्भमा साझा प्रतिबद्धता जनाएका छन् ।
“यो बर्ष हामी प्रतिबद्ध साझेदारीको ५० औं बार्षिकोत्सव मनाउँदै छन् । शान्ति तथा संबृद्धीको लागि सँगसँगै काम गर्ने हाम्रो दृढ प्रतिबद्धताका कारण हाम्रो साझेदारी हरेक बर्ष थप बलियो हुँदै गएको छ,” नेपालका लागि युरोपियन युनियनका राजदुत भेरोनिक लोरेन्जोले भन्नुभयो ।
सन् २०२६ सम्ममा अल्पविकसित देशहरूको सूचीबाट नेपाल स्तरोन्नती गर्ने सन्दर्भमा युरोपियन युनियन र यसका सदस्य राष्ट्रहरू, अर्थात “टीम युरोप” ले नेपालको विकासको ३ महत्वपुर्ण क्षेत्रहरु समावेशी हरित बृद्धी, मानव संसाधन विकास र सुशासनमा सहायतालाई निरन्तता दिने छ । आगामी दिनहरूमा हाम्रो नयाँ विकासमा लगानीको विस्तृत खाका युरोपियन युनियन ग्लोबल गेटवेमार्फत नेपालमा प्रचुर सम्भावना भएको नविकरणीय उर्जाको क्षेत्रमा सहायता गरिनेछ ।
यस अवसरमा राजदुत लोरेन्जोले बर्षभरी मनाईने विभिन्न कार्यक्रमहरुमाथि प्रकाश पार्नुभयो । त्यसमध्ये नेपाल युरोपियन युनियन चलचित्र महोत्सव मार्च २० मा शुरू हुनेछ ।
त्यस्तै सदा झैं “युरोप दिवस” मे ९ मा मनाईने छ भने युरोपियन युनियन–नेपाल बिजिनेश फोरम र फेयर मे १५ र १६ मा आयोजना गरिनेछ । यसैगरी अगस्ट महिनामा फोटो प्रतियोगिता आयोजना हुनेछ भने सेप्टेम्बर महिनामा देशको सातै प्रदेशमा इरासमस रोड शो को आयोजना गरिनेछ ।
