अधिकांश मानिसमा बिहान उठ्ने बित्तिकै फोन चलाउने, सामाजिक सञ्जालमा अपडेट खोज्ने, खबरहरू पढ्ने कुरा सामान्य बनिसकेको छ । तर, बिहान उठ्ने बित्तिकै मोबाइल फोन चलाउनु मानसिक स्वास्थ्यको लागि खतरनाक साबित हुन सक्छ । उठ्ने बित्तिकै मोबाइल आउने अनेक खालका सूचनाको सम्पर्कमा आउँदा मान्छेमा तनावको भावना उत्पन्न हुन सक्छ ।
– सुत्नु अघि र उठ्ने बित्तिकै फोन समातेर बस्दा स्क्रिनबाट निस्कने निलो प्रकाशले मेलाटोनिनको निर्माणमा बाधा उत्पन्न गर्ने हुँदा सुत्न, निदाउन कठिन हुन सक्छ ।
– दिमागलाई स्वाभाविक रूपले दिनको सुरुआत गर्न दिनुको सट्टा उठ्ने बित्तिकै तुरुन्तै फोन चलाउनाले दिमागको काम गर्ने तरिकामा खलल उत्पन्न गराउँछ ।
– बिहानको समयमा लामो समयसम्म चमकदार स्क्रिनलाई नियालिरहँदा यसले आँखामा दबाब सृजना गर्छ । टाउको दुख्ने, आँखा सुख्खा हुने समस्या लगायत यसले सम्पूर्ण स्वास्थ्यमा नै असर पु¥याउँछ ।
– मोबाइल फोनमा निरन्तर झुन्डिइरहँदा गर्नुपर्ने काम के हो त्यसमा ध्यान नपुगी सम्पूर्ण दिनको गतिविधि नै अव्यस्थित र ढिलाइ हुनसक्छ ।
– उठ्ने बित्तिकै लगातार फोन हेर्ने बानी एक खालको लत जस्तै हो । यसले हरेक व्यक्तिको एकाग्रता क्षमतालाई घटाउँदै लैजान्छ र जीवनलाई नै अव्यवस्थित बनाइदिन्छ ।
