आमाबाबुले आफ्ना साना छोराछोरीलाई मायामा सकेसम्म कुनै कमी हुन दिँदैनन् । बच्चाहरूको राम्रो पालनपोषणको लागि आमाबाबुको माया धेरै महत्वपूर्ण छ, तर माया गर्ने भन्दैमा चाहिने भन्दा बढी देखाइयो भने चाहिँ बच्चाहरू बिग्रने कारण पनि बन्न सक्छ । यस्तो अवस्थामा बालबालिकालाई केही टिप्सहरु सिकाएर उनीहरूको भविष्य पनि सुधार्न सकिन्छ —
– बच्चालाई सानैदेखि नै इमानदार हुन सिकाउनुपर्छ । साथै, उनीहरूलाई झूटको बेफाइदाबारे पनि बताउनुपर्छ । यस्तो अवस्थामा बच्चाले सधैँ आमाबाबुलाई सत्य बोल्नेछ । जसका कारण बच्चाको व्यक्तित्वमा पनि सुधार आउन थाल्छ र राम्रो व्यक्ति बन्ने दिशामा अघि बढ्नेछन् ।
– बच्चालाई बाल्यकालदेखि नै राम्रो व्यवहारको पालना गर्न सिकाउनुपर्छ । यसले बच्चाको सामाजिक आइक्युको लेभल बढाउनुको साथै उसको राम्रो व्यवहारका कारण सजिलै सबैको मन जित्न सक्नेछ ।
– कहिलेकाहीँ बच्चाहरू ठुला वा सानासँग गलत तरिकाले पेस हुन्छन् । साथै अभिभावक पनि ‘बच्चै त छ, केही थाहा हुँदैन’ भनेर यस्तो व्यवहारलाई बेवास्ता गर्न थाल्छन् । तर
– बच्चाले गर्ना साना साना गल्तीलाई बेवास्ता नगरी उनीहरुलाई बच्चालाई सानै बेलादेखि साना ठुला सबैलाई सम्मान गर्न सिकाउनुपर्छ, यसले बच्चाको व्यक्तित्व विकासमा मद्दत गर्नेछ ।
– बच्चालाई सानैदेखि समयको महत्व बुझाउनुपर्छ । यस्तो गर्दा अनावश्यक कुरामा समय बरबाद गर्नुको सट्टा सही सदुपयोग गर्न सिक्नेछन् । यसले बच्चाको भविष्य बिस्तारै सुधार्नेछ ।
– साना बच्चाहरूलाई बाल्यकालदेखि नै स्वास्थ्यसम्बन्धी टिप्स दिएर सधैँ स्वस्थ रहन प्रेरित गर्नुपर्दछ । त्यसै गरी बच्चालाई जङ्कफुड खुवाउनुको सट्टा पौष्टिक तत्वयुक्त खानेकुरा खाने बानी बसाउनुपर्छ । जिद्दी हुँदा, रिसाउँदा उसलाई मायाले बुझाउने गर्नुपर्छ, ताकि बच्चाले सधैँ स्वस्थ जीवन शैली पालन गर्न ध्यान केन्द्रित गरोस् ।
