मुम्बई । अभिनेत्री तृप्ती डिमरी यतिबेला आफ्नो फिल्म ‘एनिमल’ को सफलताको मजा लिइरहेकी छिन् ।
अहिले नायिका र उनका फ्यानका लागि एउटा राम्रो खबर बाहिर आएको छ । मिडिया रिपोर्टका अनुसार तृप्ती चाँडै ह्यान्डसम हंक अभिनेता कार्तिक आर्यनसँग रोमान्स गर्ने भएकी छन् ।
कार्तिक आर्यनले चाँडै नै आफ्नो बहुप्रतिक्षित फिल्म ‘आशिकी ३’ को सुटिङ सुरु गर्दैछन् । अब यो फिल्ममा नायिकासँगै तृप्ति डिमरी मुख्य भूमिकामा देखिने खबर बाहिर आएको छ । स्रोतका अनुसार अहिले यो जोडी फिल्मका लागि पक्का भएको छ । यो खबर सुनेपछि कार्तिक मात्र नभई तृप्तीका फ्यानहरु पनि खुशी भएका छन् ।
पिंकभिलाका अनुसार यस अघि तारा सुतारियाले गर्ने भनिएको यो फिल्म एनिमलको सफलतासँगै तृप्ति डिमरीले पाएकी छन् । यो आशिकी फ्रेन्चाइजीको तेस्रो फिल्म हो । जहाँ राहुल रोय र अनु अग्रवाल ‘आशिकी’ मा देखिएका थिए भने ‘आशिकी २’ मा आदित्य रोय कपुर र श्रद्धा कपुरले अभिनय गरेका थिए । दुवै फिल्म बक्स अफिसमा सुपर हिट भएका थिए ।
तृप्ती डिमरी हालै सन्दीप रेड्डी वाङ्गाको फिल्म ‘एनिमल’ मा रणवीर कपूरसँग रोमान्स गरेपछि अहिले चर्चाको केन्द्रमा छिन । फिल्ममा दुवैको इन्टिमेट दृश्यको निकै चर्चा भएको थियो । सो फिल्मबाट तृप्तीलाई ‘भावी(२’ को उपनामले बोलाइन थालेको छ ।
अनुराग बसुद्वारा निर्देशित ‘आशिकी ३’ को सुटिङ सन् २०२४ मा सुरु हुनेछ ।
