महोत्तरीको गौशाला नगरपालिकाकी उपप्रमुख रेणु महतो चढ्ने गाडीमा आगजनी भएको छ। महतो चढ्ने प्रदेश२–०२–००१ झ ०००५ नम्बरको सरकारी गाडीमा आगजनी भएको हो।
आइतबार बिहान पौन ३ बजे गाडीमा आगजनी भएको थाहा पाएको उपप्रमुख महतोले बिएल नेपाली सेवासँग बताइन्। उनकाअनुसार आगजनी कसले गरेको भन्ने खुलेको छैन। आगलागीबाट गाडीको अगाडि–पछाडिको पाङ्ग्रामा क्षति पुगेको छ।
तर आगजानी भएको ठाउँमा डब्बा र चप्पल फेला परेको छ। यसअघि पनि गाडी चढेको विषयमा उपप्रमुखलाई नगरपालिकाबाट नै विभिन्न धाकधम्की आउने गरेको थियो। बाँकी कुनै रिसिबी नरहेको उपप्रमुख महतोले बताइन्।
शनिबार राती कार्यक्रम सकेर महतोले गौशाला– १ रामनगरस्थित आफ्नै घरको आँगनमा गाडी पार्किङ गरेकी थिइन्।
तस्बिरः रवीन्द्र उप्रेती
