भान्छामा सहजै पाइने ज्वानो एक प्रकारको औषधी नै हो । मौसम परिवर्तनको बेला राम्रोसँग तरकारीमा मात्रै ज्वानोको प्रयोग गर्ने हो भने हुन सक्ने सङ्क्रमणबाट बच्न सकिन्छ । यसका अलावा पेट दुखेको बेला ज्वानोको दाना चपाएर खाए पेट दुखेको निको हुन्छ । ज्वानोको गेडामात्र नभएर तेल, फूल र बोटबिरुवालाई समेत विभिन्न रोगमा औषधीका रूपमा प्रयोग गरिन्छ ।
हेर्नुहोस् के–के छन् ज्वानोका फाइदाः
१. वायुविकार र पेट फुल्ने रोगमा जादुगरी औषधी हो ज्वानो । मनतातो पानीमा अलिकति ज्वानो थोरै नुन हालेर खाएमा पेटमा भएको अपच ठिक भएर जान्छ । ज्वानोलाई खानासँगै त्यत्तिकै पनि खान सकिन्छ ।
२. ज्वानोमा पेटमा भएका धेरै रोगलाई हटाउने सामथ्र्य छ । यसले दिसा खलास बनाउँछ र तौल घटाउनमा समेत सहयोग पु¥याउँछ ।
३. भुटेको ज्वानो दैनिक २ ग्राम जति १५ देखि २० दिनसम्म लगातार खाने हो भने सर्दी ठिक हुन्छ । यसलाई मनतातो पानीसँगै ज्वानो चपाएर खाँदा खोकीमा पनि फाइदा गर्छ ।
४. ज्वानो र सखर मिलाएर दैनिक खाने हो भने दम रोगलाई निकै फाइदा पु-याउँछ ।
५. एक चियाचम्चा ज्वानोको दाना र चार चियाचम्चा बेलपातको जुस दिनको दुईदेखि तीनचोटी खाँदा मधुमेह नियन्त्रण हुन्छ ।
६. ज्वानो प्रयोग गरेर बनाइएको ‘काँढापानी’ प्रत्येक रात सुत्नेबेला ३० मिलिलिटर करिब ५० दिनसम्म सेवन गर्ने हो भने यसले रक्सी अम्मली हटाउन सहयोग गर्छ ।
