पानी मानव शरीरका लागि अनिवार्य तथा आवश्यक तत्वमध्ये एक हो । पानीबिना मानव जीवनको कल्पना पनि गर्न सकिँदैन । पानीलाई पृथ्वीको अमृत पनि भन्ने गरिन्छ । मानव शरीरको ७० प्रतिशत हिस्सा पानीबाट बनेको हुन्छ । यसका लागि मानिसले प्रत्येक दिन ७–८ गिलास पानी पिउनुपर्छ । यसले पाचन तन्त्र, कपाल एवं छाला स्वस्थ हुन्छ । पानीले शरीरको दूषित पदार्थहरुलाई बाहिर निकाल्छ र रगतलाई सफा राख्नको लागि समेत मद्दत गर्छ । पिउने पानी राम्रो तथा ताजा हुन आवश्यक छ । दूषित पानीले यस्तो जीवाणु पैदा हुन्छ जसले कफ र पित्त बढाउँछ ।
हामीले पानी कस्तो स्थितिमा, कहिले र कसरी पिउन आवश्यक छ भन्ने कुराको जानकारी लिन जरुरी छ । जस्तो, कपाल झर्ने समस्या, पथरी, तनाव, हैजा, पानी कम हुने रोग, अधिक गर्मी आदिजस्ता रोगहरु लागेमा पानी पर्याप्त मात्रामा पिउन आवश्यक हुन्छ ।
– बिहान खाली पेटमा २–३ गिलास पानी पिउँदा शरीरको आन्तरिक ऊर्जा सक्रिय हुन्छ । यसलाई आफ्नो शरीरको क्षमता अनुसार बढाउन वा घटाउन पनि सकिन्छ ।
– नुहाए पश्चात एक गिलास पानी पिउँदा ब्लडप्रेसर नियन्त्रित रहन्छ ।
– खाना खानुभन्दा आधा घण्टा पहिला दुई गिलास पानी पिउँदा शरीरलाई फाइदा हुन्छ ।
– सुत्नुभन्दा ठीक पहिला आधा गिलास पानी पिउँदा हर्ट अट्याकबाट बच्न सकिन्छ ।
नोटः उभिएर पानी पिउँदा यो सजिलै शरीरमा प्रवाह हुने भएकोले खाद्य नलिद्वारा ठूलो मात्रामा खस्छ । यसले पेटको भित्तोको छेउछाउमा क्षति पुग्छ । यही क्रमले लामो समयसम्म यसरी पानी पिउँदा पाचन तन्त्र, मुटु र किड्नीको समस्या देखिन जान्छ । उभिएर पानी पिउँदा घुँडामा पनि दबाब पर्ने हुनाले बसेर बिस्तारै पानी पिउनु आवश्यक छ ।
