सोलुखुम्बुको माप्य दुधकोशी गाउँपालिका वडा नं। ५ रोकामस्थित मह भिरमा ‘रक क्लाइम्बिङ’ रुट खोल्न सुरु गरिएको छ।
पर्यटन प्रवर्द्धनको लागि माप्य दुधकोशी गाउँपालिकाको आर्थिक र माउन्टेन गाइड एसोसिएन अफ नेपाल ९मोगान०को प्राविधिक सहयोगमा मह भिरमा ‘रक क्लाइम्बिङ’को रुट खोल्न सुरु गरिएको हो।
रुट तयार गर्नको लागि मोगानको टोलीले गत तीन दिनदेखि काम गरिरहेको मोगानका अध्यक्ष तथा नेपाल आरोहण खेल संघका सचिव सजीव गुरुङले बिएल नेपाली सेवालाई जानकारी दिए।
रुट खोल्ने टोलीमा अध्यक्ष गुरुङसँगै पासाङ लामा, रामकाजी तिवारी, दावा टासी शेर्पा, रक्षराज तामाङ रहेका छन्। करिब १ सय मिटर अग्लो मह भिरमा उनीहरुले निरन्तर काम गरिरहेका छन्।
‘रक क्लाइम्बिङ’को उद्घाटन यही पुस १ गते हुँदैछ। माप्य गाउँपालिकाको आयोजनामा हुने उद्घाटन कार्यक्रममा पर्यटन बोर्डका प्रतिनिधि, टान अध्यक्ष, पर्यटन व्यवसायी तथा पर्यटन क्षेत्रमा विशिष्ट व्यक्तिहरु सहभागी हुने जनाइएको छ।
२८औँ पटक सगरमाथा आरोहण गरी विश्व कीर्तिमानी कामय गरेका नेपाली माउन्टेन गाइड कामीरिता शेर्पाको पनि विशेष सहमागीता रहनेछ।
त्यसपछि यो ‘रक क्लाइम्बिङ’ पर्यटकहरुको लागि खुल्ला गरिने छ। ‘रक क्लाइम्बिङ’ डोरी टाँगेर भिर (पहाड) मा चढ्ने एक साहसिक खेल हो। ‘रक क्लाइम्बिङ’मार्फत् पहाडमा चढेर आनन्द लिन सकिन्छ।
